Xitoy hukumati josuslikka qarshi kurashish haqidagi qonunni kuchaytirdi va fuqarolarni kontrrazvedka ishiga qo‘shilishga chaqirdi, deb yozmoqda Daily Mail nashri.
Xabarga ko‘ra, Xitoy Davlat xavfsizlik vazirligi fuqarolarni shubhali shaxslar va ularning faoliyati haqidagi ma’lumotlarni maxsus kanallar orqali uzatishga chaqirgan hamda bunday ma’lumotlar uchun mukofot va’da qilgan.
Gazetaning qayd etishicha, Xitoyning bunday siyosati AQSHda xavotir uyg‘otmoqda. Amerika rasmiylari bunday sharoitda Xitoydagi xorijiy tijoriy kompaniyalar zarar ko‘rishi mumkinligini ta’kidladi.
“Shubhasiz, fuqarolarning birin-ketin josuslikka da’vat etilishi katta tashvish uyg‘otadi”, — dedi AQSH Davlat departamenti matbuot kotibi Mett Miller.
Avvalroq AQSH Xitoy Kubada kamida 2019-yildan beri josuslik bazasiga ega ekani haqida ma’lum qilgandi. Baza Pekinning butun dunyo bo‘ylab, birinchi navbatda, AQSHdan razvedka maʼlumotlarini yig‘ish uchun yaratilgan.
Izoh (0)