Хитой контрразведкаси Пекин ҳарбий саноатига оид муҳим маълумотларни АҚШга узатаётган агент ҳибсга олингани ҳақида маълум қилди.
South China Morning Пост нашрининг ёзишича, Америка жосуси ҳибсга олингани ҳақида CCTV Хитой давлат телеканали орқали хабар берилган. Хоу фамилияли гумонланувчи 2013 йилда хориждаги илмий тадбир давомида АҚШ разведка идоралари томонидан ёлланган.
Хитой контрразведкасининг даъво қилишича, гумонланувчи йиллар давомида АҚШга Хитойнинг ҳарбий-саноат комплекси ва мудофаа саноати ҳақида муҳим маълумотларни тақдим этиб келган. Хитойнинг Сичуан провинциясидаги энг йирик мудофаа заводларидан бирида “йирик жосуслик схемаси” июль ойида фош этилган. Гумонланувчига нисбатан иш Хитойнинг Ченгду шаҳри судига оширилди.
Бу август ойидан бери Хитой разведка хизматлари АҚШ фойдасига жосусликда гумон қилиб, ҳибсга олган камида тўртинчи Хитой фуқароси бўлди.
Изоҳ (0)