Xristofor Kolumbning maktubi Christie’s auksionida 3,71 million yevroga sotildi. U “De insulis nuper inventus” (“Yangi kashf etilgan orollarda”) deb nomlanadi va tadqiqotchi Hindiston deb atagan orollarning relyefi va aholisi haqida hikoya qiladi.
Yangi dunyoning kashfiyoti to‘g‘risidagi maktub to‘rt varaqdan iborat bo‘lib, 1493-yilda chop etilgan. Barcha matn ispan tilidan lotin tiliga tarjima qilingan. Kolumb buni qirol Ferdinandning xazinachisi Gabriel Sanchesga yozgan.
Kimoshdi savdosi uyi ta’kidlaganidek, bu xabar “Yevropa bo‘ylab tez tarqaladigan va odamlarning dunyoning o‘lchami, shakli va imkoniyatlari haqidagi tushunchasini abadiy o‘zgartirgan edi”, deb xabar beradi El País.
Izoh (0)