O‘zbekiston Kubogi. “OKMK” penaltilar seriyasida “Navbahor” ustidan g‘alaba qozonib, finalga yo‘l oldi

Futbol bo‘yicha O‘zbekiston Kubogi yarim final o‘yinlari 19-oktabr, payshanba kuni bo‘lib o‘tdi.

“OKMK” “Navbahor”ga qarshi bahs olib bordi. Uchrashuvning 10-daqiqasida Jamshid Iskanderov jarima zarbasidan gol urib, hisobni ochdi. Oradan 4 daqiqa o‘tib, Ruben Sanches muvozanatni tikladi. 28-daqiqada Martin Boakye olmaliqliklarni hisobda oldinga olib chiqdi. 70-daqiqada esa Akramjon Komilov avtogol urib, hisob tenglashishiga sababchi bo‘ldi.

Qolgan daqiqalarda darvozalar ishg‘ol etilmadi va jamoalar qo‘shimcha bo‘limlarga murojaat qildi. Qo‘shimcha bo‘limlarda ham gol urilmadi va g‘olib nomi penaltilar seriyasida aniqlanadigan bo‘ldi.

Penaltilar seriyasida esa 4:3 hisobida Mirjalol Qosimov jamoasi g‘alaba qozondi. 

Shu tariqa “OKMK” tarixda 4-bor O‘zbekiston kubogi finalida qatnashadigan bo‘ldi.

O‘zbekiston Kubogi

Yarim final

19-oktabr, payshanba

“OKMK” – “Navbahor” 2:2 (4:3)

Gollar: 0:1 — 10 Jamshid Iskanderov, 1:1 — 14 Ruben Sanches, 2:1 — 28 Martin Boakye, 2:2 — 70 Akramjon Komilov (avtogol).

“OKMK”: 1. Botirali Ergashev, 2. Akramjon Komilov, 3. Sardor Rahmonov, 5. Anzur Ismoilov, 9. Ruben Sanches (4. Mirjamol Qosimov, 72), 10. Xurshid G‘iyosov, 15. Oybek Rustamov, 17. Sanjar Tursunov, 27. Martin Boakye, 29. Vitaliy Denisov, 88. Siyavash Haqnazari (19. Muhammadanas Hasanov, 27).

“Navbahor”: 1. O‘tkir Yusupov, 5. Milosh Milovich, 6. Ibrohim Yo‘ldoshev, 7. Oston O‘runov, 8. Jasurbek Yaxshiboyev (17. Abrorbek Ismoilov, 46), 10. Jamshid Iskanderov, 13. Filip Ivanovich, 14. Jamshid Boltaboyev, 21. Temurxo‘ja Abduxoliqov (91. Toma Tabatadze, 62), 22. Igor Golban, 77. Asadbek Sobirjonov (19. Doniyor Abdumannopov, 46)

Ogohlantirishlar: Jamshid Boltaboyev (45+2), Milosh Milovich (62), Doniyor Abdumannopov (66), Martin Boakye (77), Ibrohim Yo‘ldoshev (80).