Ўзбекистон Кубоги. “ОКМК” пенальтилар сериясида “Навбаҳор” устидан ғалаба қозониб, финалга йўл олди

Футбол бўйича Ўзбекистон Кубоги ярим финал ўйинлари 19-октябрь, пайшанба куни бўлиб ўтди.

“ОКМК” “Навбаҳор”га қарши баҳс олиб борди. Учрашувнинг 10-дақиқасида Жамшид Искандеров жарима зарбасидан гол уриб, ҳисобни очди. Орадан 4 дақиқа ўтиб, Рубен Санчес мувозанатни тиклади. 28-дақиқада Мартин Боаке олмалиқликларни ҳисобда олдинга олиб чиқди. 70-дақиқада эса Акрамжон Комилов автогол уриб, ҳисоб тенглашишига сабабчи бўлди.

Қолган дақиқаларда дарвозалар ишғол этилмади ва жамоалар қўшимча бўлимларга мурожаат қилди. Қўшимча бўлимларда ҳам гол урилмади ва ғолиб номи пенальтилар сериясида аниқланадиган бўлди.

Пенальтилар сериясида эса 4:3 ҳисобида Миржалол Қосимов жамоаси ғалаба қозонди. 

Шу тариқа “ОКМК” тарихда 4-бор Ўзбекистон кубоги финалида қатнашадиган бўлди.

Ўзбекистон Кубоги

Ярим финал

19-октябрь, пайшанба

“ОКМК” – “Навбаҳор” 2:2 (4:3)

Голлар: 0:1 — 10 Жамшид Искандеров, 1:1 — 14 Рубен Санчес, 2:1 — 28 Мартин Боаке, 2:2 — 70 Акрамжон Комилов (автогол).

“ОКМК”: 1. Ботирали Эргашев, 2. Акрамжон Комилов, 3. Сардор Раҳмонов, 5. Анзур Исмоилов, 9. Рубен Санчес (4. Миржамол Қосимов, 72), 10. Хуршид Ғиёсов, 15. Ойбек Рустамов, 17. Санжар Турсунов, 27. Мартин Боаке, 29. Виталий Денисов, 88. Сияваш Ҳақназари (19. Муҳаммаданас Ҳасанов, 27).

“Навбаҳор”: 1. Ўткир Юсупов, 5. Милош Милович, 6. Иброҳим Йўлдошев, 7. Остон Ўрунов, 8. Жасурбек Яхшибоев (17. Аброрбек Исмоилов, 46), 10. Жамшид Искандеров, 13. Филип Иванович, 14. Жамшид Болтабоев, 21. Темурхўжа Абдухолиқов (91. Тома Табатадзе, 62), 22. Игор Голбан, 77. Асадбек Собиржонов (19. Дониёр Абдуманнопов, 46)

Огоҳлантиришлар: Жамшид Болтабоев (45+2), Милош Милович (62), Дониёр Абдуманнопов (66), Мартин Боаке (77), Иброҳим Йўлдошев (80).