Россия қўшинларининг Запорожье шаҳрига берган ракета зарбаси оқибатида беш қаватли турар жой биносининг иккита подъезди вайрон бўлди. Бу ҳақда шаҳар кенгаши котиби Анатолий Куртев хабар бермоқда. Воқеада икки киши ҳалок бўлди.
Куртевнинг сўзларига кўра, яна уч киши яраланган, уйнинг тўрт нафар фуқароси бедарак йўқолганлар рўйхатида. Запорожье вилояти раҳбари Юрий Малашко ҳам уч нафар ярадор ва икки қурбон ҳақида маълум қилди.
Украина президенти Владимир Зеленский Запорожьедаги турар жой биносига уюштирилган ҳужумни “рус террори”нинг кўриниши деб атади ҳамда “бефарқ қолмаган ва уни енгишга ёрдам берган барчага” миннатдорлик билдирди. Зеленский ҳалок бўлганларнинг оила аъзолари ва яқинларига ҳамдардлик билдириб, “Россия террори мағлуб бўлиши керак”лигини таъкидлади.
Изоҳ (0)