Xonanda Rayhon G‘aniyeva 14-oktyabr kuni qoldirilgan konserti munosabati bilan matbuot anjumani o‘tkazdi. U jurnalistlarni qiziqtirgan ko‘plab savollarga javob berib o‘tdi.
— Shu yilning 16-sentyabr kuni konsert tashkilotchisi Ilhom Jo‘rayev qo‘ng‘iroq qildi. U tug‘ilgan kunim bilan tabriklamoqchi deb o‘yladim. Ammo menga konsert qoldirilganini aytdi.
Konsert kelishuvida “Shou qilamiz, hammasi zo‘r bo‘ladi”, degan edi. Ammo tayyorgarliklar paytida sahnada 10 ta raqqos bo‘lishini aytdi. “Humo Arena” sahnasida 10 ta raqqos bilan shou qilib bo‘lmasligini aytdim.
“Unda qolgan raqqoslarning pulini o‘zingiz to‘laysiz”, dedi. Bunga ham rozi bo‘ldim. U kelishuv bo‘yicha hech kimga pul bergani yo‘q. Konsertga oz vaqt qolgan. Ammo dekoratorning xarajatlarini qoplamagan. Uning jahli chiqib “Oz vaqt qoldi, men ulgurmayman”, dedi.
“900 ta bilet sotildi”, degani shunchaki sharmandalik. Shu kungacha “Xalqlar do‘stligi” sanʼat saroyida 16 marta konsert dasturini taqdim etdim. Biror marta bunday vaziyatga tushmaganman. Noqulaylik uchun muxlislarimdan uzr so‘rayman va tez orada doimgidek shou o‘tkazishga vaʼda beraman. Nasib qilsa, konsert dasturi yanvar oyida bo‘lib o‘tadi, — deydi xonanda Rayhon G‘aniyeva.
Izoh (0)