Ijtimoiy tarmoqlarda o‘zbek shou-biznesi vakillarining turmush o‘rtoqlari ham faol. Ular ijtimoiy tarmoqlarda mashhurlik borasida turmush o‘rtog‘idan kam emas. Xo‘sh, ular qanday mazmunda blog yuritadi va ularni qancha obunachi kuzatadi?
Kamola Ortiqova
Sobiq “Ummon” guruhi xonandasi Zohid Risqiyevning turmush o‘rtog‘i Kamola Ortiqova oila qurmasidan avval to‘y xizmatlarida bek-vokal xonandasi sifatida faoliyat yuritgan. U paytda kuzatuvchilari u qadar ko‘p emasdi. Zohid Risqiyev bilan oila qurgach, Instagram’dagi kuzatuvchilari soni keskin oshdi. Uning kundalik hayoti aks etgan rasm va videolarni 465 mingdan ortiq obunachi kuzatadi.
— “Reklamalarni ko‘p joylaysiz” deb negativ fikr bildiradiganlar, ayni kunda bola tarbiyasi bilan bandman. Oilaning asosiy xarajatlari mening zimmamda. Turmush o‘rtog‘imning davolanishi ham arzonga tushmaydi, — deb yozadi Kamola Ortiqova.
Husnora Muqimova
Xonanda Sharof Muqimovning turmush o‘rtog‘i Husnora Muqimova Instagram foydalanuvchilariga fudbloger sifatida yaxshi tanish. Uning postlarini 123 mingdan ortiq obunachi kuzatadi.
Sharof Muqimov 2018-yili Husnora ismli qiz bilan tanishib, 2019-yilning iyun oyida unga uylandi. 2021-yilning dekabr oyida o‘g‘il farzandli bo‘lishdi.
Husnora talaba, shu bilan birga, Instagramʼda ham faol. U mazali yeguliklar bilan turmush o‘rtog‘ini xursand qilishni yaxshi ko‘radi. Sharof Muqimov turmush o‘rtog‘iga Tracker avtomobilini sovg‘a qilgan va baxtli kunlar uchun unga minnatdorlik bildirgan.
Marjona Sobirova
Hamdam Sobirovning turmush o‘rtog‘i Marjona ikki farzandni tarbiyalash bilan birga instablogerlik bilan ham shug‘ullanadi. To‘g‘ri, uning obunachilari u qadar ko‘p emas.
— Tadbirkorlik bilan shug‘ullanaman, faqat aynan qaysi yo‘nalishda ekanini oshkor etolmayman. Hozirgi kunda ko‘proq bolalarim bilan bandman, — deydi Marjona Sobirova.
Shahnoza Aliyeva
Shahnoza Aliyeva “Qadam” seriali bilan tomoshabinlarga yaxshi tanish bo‘lgan aktyor Muhammadali Aliyevning turmush o‘rtog‘i hisoblanadi. Shahnoza malakali psixolog, ammo hozirda Asmira va Salma ismli qizaloqlarining parvarishi bilan band.
Uning oilasi va kundalik hayoti bilan bog‘liq videolarni 20 mingga yaqin obunachilar kuzatishadi.
Shahlo Rametova
Instagram’da Nastarin nomi ostida tanilgan bloger Shahlo Rametova aktyor Aziz Rametovning turmush o‘rtog‘i hisoblanadi. Dizayner aktyor bilan oila qurmasidan avval ham Instagram’da faol bo‘lgan. U faqatgina o‘g‘li Muhammadaminning parvarishi bilan band bo‘lmay, faoliyatini davom ettirishga ham vaqt topyapti. Uni Instagram’da 124 mingdan ortiq obunachi kuzatadi.
Shahlo Rametova qo‘l ishlaridan tashqari, oilasi va oshxonadagi faoliyati aks etgan videolarni ham tarmoqqa joylaydi.
Iroda Usmonova
Rejissor Zebo Navro‘zovaning kenja kelini Iroda Usmonova ham ijtimoiy tarmoqlarda juda faol. U turmush o‘rtog‘i aktyor Muhammadali Usmonov bilan bog‘liq hayotini kuzatuvchilari bilan bo‘lishadi. Qizig‘i, uning hayotini 521 mingdan ortiq obunachilar kuzatib borishadi.
Xumora Yo‘ldosheva
Xumora Yo‘ldosheva rejissor Zebo Navro‘zovaning ikkinchi kelini hisoblanadi. U xonanda Shuhrat Yo‘ldoshev bilan oila qurgan. Xumora Yo‘ldosheva professional vizajist bo‘lib ishlaydi. Uning pardoz-andoz borasidagi videolarini 366 ming obunachi kuzatib boradi.
Zarina Umrzoqova
Aktyor va prodyusser Aziz Umrzoqovning turmush o‘rtog‘i Zarina Umrzoqova ham Instagram tarmog‘ida juda faol. Uning profilini 132 mingdan ortiq obunachi kuzatadi. U bir necha yildan buyon kosmetolog sifatida faoliyat yuritadi. Shu bois Instagram profini rivojlantirishga alohida eʼtibor beradi. Chunki bugungi kunda Instagram reklama postlarini joylash va mijozlarni to‘plash uchun juda qulay.
Mahbuba Hikmatova
Komik aktyor Asqar Hikmatovning turmush o‘rtog‘i Mahbuba Hikmatova ham Instagram’da juda faol. U bir necha yillik tajribaga ega bolalar uqalovchisi bo‘lib ishlaydi. Uning postlarini 42 mingdan ortiq obunachi kuzatadi.
Izoh (0)