Хонанда Райҳон Ғаниева 14-октябр куни қолдирилган концерти муносабати билан матбуот анжумани ўтказди. У журналистларни қизиқтирган кўплаб саволларга жавоб бериб ўтди.
— Шу йилнинг 16-сентябр куни концерт ташкилотчиси Илҳом Жўраев қўнғироқ қилди. У туғилган куним билан табрикламоқчи деб ўйладим. Аммо менга концерт қолдирилганини айтди.
Концерт келишувида “Шоу қиламиз, ҳаммаси зўр бўлади”, деган эди. Аммо тайёргарликлар пайтида саҳнада 10 та раққос бўлишини айтди. “Ҳумо Арена” саҳнасида 10 та раққос билан шоу қилиб бўлмаслигини айтдим.
“Унда қолган раққосларнинг пулини ўзингиз тўлайсиз”, деди. Бунга ҳам рози бўлдим. У келишув бўйича ҳеч кимга пул бергани йўқ. Концертга оз вақт қолган. Аммо декораторнинг харажатларини қопламаган. Унинг жаҳли чиқиб “Оз вақт қолди, мен улгурмайман”, деди.
“900 та билет сотилди”, дегани шунчаки шармандалик. Шу кунгача “Халқлар дўстлиги” санъат саройида 16 марта концерт дастурини тақдим этдим. Бирор марта бундай вазиятга тушмаганман. Ноқулайлик учун мухлисларимдан узр сўрайман ва тез орада доимгидек шоу ўтказишга ваъда бераман. Насиб қилса, концерт дастури январь ойида бўлиб ўтади, — дейди хонанда Райҳон Ғаниева.
Изоҳ (0)