“O‘zgidromet” kelasi hafta boshida kuzatiladigan ob-havo ma’lumotlarini e’lon qildi

“O‘zgidromet” 9—11-oktyabr kunlari uchun ob-havo ma’lumotini e’lon qildi.

Qoraqalpog‘iston Respublikasi va Xorazm viloyatida havo o‘zgarib turadi, 9—10-oktyabrda yog‘ingarchilik kutilmaydi, 11-oktyabrda baʼzi joylarda yomg‘ir yog‘ishi mumkin. Sharqiy shamol yo‘nalishini o‘zgartirib, g‘arbdan 7-12 metr/sekund tezlikda esadi, 10-oktyabrda baʼzi joylarda 15-20 metr/sekundgacha kuchayishi mumkin. Harorat 9-oktyabrda kechasi 9-14 daraja, kunduzi 25-30 daraja; 10-oktyabrda kechasi 7-12 daraja, kunduzi 20-25 daraja; 11-oktyabrda kechasi 5-10 daraja, kunduzi 15-20 daraja bo‘ladi.

Buxoro va Navoiy viloyatlarida havo o‘zgarib turadi, 9—10-oktyabrda yog‘ingarchilik kutilmaydi, 11-oktyabrda baʼzi joylarda yomg‘ir yog‘ishi mumkin. Sharqiy shamol yo‘nalishini o‘zgartirib, g‘arbdan 7-12 metr/sekund tezlikda esadi, 11-oktyabrda baʼzi joylarda 15-20 metr/sekundgacha kuchayishi mumkin. Harorat 9-oktyabrda kechasi 7-12 daraja, kunduzi 24-29 daraja; 10-oktyabrda kechasi 9-14 daraja, kunduzi 25-30 daraja; 11-oktyabrda kechasi 11-16 daraja, kunduzi 25-30 daraja bo‘ladi.

Toshkent, Samarqand, Jizzax va Sirdaryo viloyatlarida havo o‘zgarib turadi, yog‘ingarchilik kutilmaydi. Sharqiy shamol yo‘nalishini o‘zgartirib, g‘arbdan 7-12 metr/sekund tezlikda esadi, 11-oktyabrda baʼzi joylarda 15-20 metr/sekundgacha kuchayishi mumkin. Harorat 9-oktyabrda kechasi 7-12 daraja, kunduzi 22-27 daraja, 10—11-oktyabrda kechasi 9-14 daraja, kunduzi 25-30 daraja bo‘ladi.

Qashqadaryo va Surxondaryo viloyatlarida havo o‘zgarib turadi, yog‘ingarchilik kutilmaydi. Shamol sharqdan 7-12 metr/sekund tezlikda esadi. Harorat kechasi 9—10-oktyabrda 10-15 daraja, 11-oktyabrda 12-17 daraja, kunduzi 9-oktyabrda 24-29 daraja, 9—10-oktyabrda 27-32 daraja bo‘ladi.

Andijon, Namangan va Farg‘ona viloyatlarida havo o‘zgarib turadi, yog‘ingarchilik kutilmaydi. Shamol sharqdan 5-10 metr/sekund tezlikda esadi. Harorat kechasi 7-12 daraja, kunduzi 9-oktyabrda 22-27 daraja, 10—11-oktyabrda 24-29 daraja bo‘ladi.

Respublikaning tog‘oldi va tog‘li hududlarida havo o‘zgarib turadi, 9-oktyabrda baʼzi joylarda yomg‘ir yog‘adi, 10—11-oktyabrda yog‘ingarchilik kutilmaydi. Shamol sharqdan 7-12 metr/sekund tezlikda esadi, 11-oktyabrda 15-20 metr/sekundgacha kuchayishi mumkin. Harorat 9-oktyabrda kechasi 3-8 daraja iliq, kunduzi 13-18 daraja, 10—11-oktyabrda kechasi 5-10 daraja iliq, kunduzi 15-20 daraja bo‘ladi.

Avvalroq O‘zbekistonda 8-oktyabr kuni havo harorati 29 darajagacha ko‘tarilishi to‘g‘risida xabar berilgandi.