Британия ҳукумати яқин 24 соат ичида ҳамкорлар билан Исроилни қўллаб-қувватлаш чораларини келишиб олади.
Бу ҳақда Буюк Британия бош вазири Риши Сунак Х (собиқ Twitter) ижтимоий тармоғидаги саҳифасида маълум қилган.
"Бугунги кунда содир этилган ваҳшийликларнинг қиёфаси тобора ойдинлашиб бормоқда ва биз Исроилни сўгсиз қўллаб-қувватлаймиз. ҲАMAS томонидан амалга оширилган ҳужум — қўрқоқлик ва жирканчлик.
Биз Исроил бош вазири Бенямин Нетаняхуга у билан тўлиқ бирдамлигимизни билдирдик ва қўллаб-қувватлаш чораларини 24 соат ичида халқаро ҳамкорларимиз билан мувофиқлаштириб борамиз" , — деб ёзди Риши Сунак.
7-октябр куни эрталаб ҲАMAS кучлари Исроилга ҳужум бошлади. ҲАMAS аъзоларининг айтишича, “Ал-Ақса тўфони” операцияси давомида Исроил шаҳарларига беш мингта ракета учирилган, бир неча ўнлаб қуролли кучлар Исроилнинг Ғазо сектори билан чегарадош аҳоли пунктларига кириб борган.
Бу ҳаракатларга жавобан Исроил ҳам Ғазо секторига авиазарбалар бермоқда. Исроил бош вазири Биньямин Нетаньяху мамлакат уруш ҳолатида эканини айтди.
Изоҳ (0)