Хонанданинг турнеси бошланишидан олдин ҳам мутахассислар жуда катта миқдордаги даромадни прогноз қилишган: улар ҳатто Бейонсе гастроллари давомида бир миллиард доллар ишлаб топиши ҳақида гапирган. Бейонсе бу миқдордаги даромадга эриша олмади, бироқ унинг бутун дунё бўйлаб гастроллари муваффақиятли, ажойиб тарзда бўлиб ўтди.
.jpg)
Европа сессиясидаги 21 та шоу орқали хонанда 154 миллион доллар ишлаб топди. Унинг энг даромадли чиқишлари Лондонда бўлиб ўтди: улар Бейонсени 42,2 миллион долларга бойитди. Июнь ойининг охирида хонанда “Эски дунё” номли турини якунлади. У бу тур давомида миллиард долларлик натижани қайд этмади, бироқ хонанда Шимолий Америкага гастроллари давомида 264 миллион доллар ишлаб топди.
Сентябр ойининг бошига келиб, Бейонсе 461,2 миллион доллар йиғиб, Renaissance World Tour тугашига бир ой қолганда тарихдаги тижорий жиҳатдан энг муваффақиятли аёл хонандалар гастролларидаги рекордни янгилади. Аввалги рекорд Мадонна ва унинг Sticky & Sweet Тоуръига тегишли бўлиб, хонанда бу турнеси давомида 411 миллион доллар ишлаб топган.
Бейонсе гастролларининг якуний даромади 579 миллион долларни ташкил этади. Бу тарихдаги еттинчи энг юқори кўрсаткич ҳисобланади. Хонанда бу миқдорни топиш учун 56 та концерт бериши керак эди. Таққослаш учун, Элтон Жоннинг дунё бўйлаб гастроли беш йил давомида 330 та концертдан 939,1 миллион доллар йиғган.
Изоҳ (0)