Turkiyaning Bartin viloyati Amasra tumanidagi ko‘mir konida yuz bergan portlash oqibatida qurbon bo‘lganlar soni 40 kishiga yetdi, deb yozadi Anadolu Agency. So‘nggi ma’lumotlarni Turkiya ichki ishlar vaziri Sulaymon Soylu jamoatchilik bilan bo‘lishdi.
Avariya vaqtida konda bo‘lgan 110 kishining 58 nafari qutqarib olingan. Bir konchining taqdiri noma’lum bo‘lib qolmoqda.
Soyluning aytishicha, qidiruv ishlari davom etmoqda.
Amasra tumanidagi konlardan birida portlash 14-oktabr, juma kuni mahalliy vaqt bilan 18:15 atrofida yuz bergan.
Turkiya sog‘liqni saqlash vaziri Faxriddin Xoja avvalroq ma’lum qilganidek, 11 kishi kasalxonaga joylashtirilgan.
Turkiya prezidenti Rajab Toyyib Erdo‘g‘on 15-oktabr, shanba kuniga belgilangan barcha tadbirlarni bekor qildi va tez orada voqea joyiga yetib borishini e’lon qildi.
Bartin viloyati prokuraturasi kondagi portlash yuzasidan jinoyat ishi ochdi.
Avvalroq kon portlashi oqibatida 28 kishi halok bo‘lgani xabar berilgandi.
Turkiya konlaridagi eng yirik portlashlardan biri 2014-yil mayida Manisa viloyatida sodir bo‘lgan, o‘shanda 270 dan ortiq odam halok bo‘lgandi.
2017-yilda esa Turkiyaning Shirnak viloyatidagi ko‘mir konida yuz bergan portlash oqibatida olti konchi halok bo‘lgan.
Izoh (0)