Sochining Adler tumanida dizel yonilg‘isi solingan bak yonib ketdi, yong‘in maydoni 96 kvadrat metrni tashkil etadi, deb xabar berdi Krasnodar o‘lkasi gubernatori Veniamin Kondratyev.
“Dastlabki maʼlumotlarga ko‘ra, qurbonlar yo‘q. Voqea joyida 60 dan ortiq kishi va 15 ta texnika ishlamoqda. Yong‘in tarqalishi xavfi yo‘q. Voqea sabablariga oydinlik kiritilmoqda”, — deb yozdi u o‘zining Telegram kanalida.
112 xizmatining “RIA Novosti”ga xabar berishicha, yong‘in neft bazasi va Sochi aeroporti yaqinida sodir bo‘lgan. Aeroport matbuot xizmati agentlikka aeroport normal rejimda ishlayotganini ma’lum qildi.
Mash va SHOT Telegram kanallari yong‘in Moskva vaqti bilan soat 05:00 atrofida (Toshkent vaqti bilan 07:00) portlash ovozlaridan keyin sodir bo‘lganini xabar qilmoqda. SHOT ma’lumotlariga ko‘ra, 1 200 tonna kerosin bo‘lgan bak yongan, yong‘in maydoni taxminan 100 kvadrat metrni tashkil etadi. Telekanalning yozishicha, dastlabki maʼlumotlarga ko‘ra, yong‘inga dron hujumi sabab bo‘lgan bo‘lishi mumkin.
Guvohlarning aytishicha, yong‘indan oldin portlash sodir bo‘lgan. Ertalab soat beshlarda momaqaldiroqqa o‘xshash ovoz eshitilgan.
Izoh (0)