Rossiya prezidenti matbuot kotibi Dmitriy Peskov jurnalistlarga Checheniston rahbari Ramzan Qodirovning kasalligi haqida hech qanday ma’lumot yo‘qligini aytdi. Bu haqda “RIA Novosti” xabar berdi.
“Prezident administratsiyasi salomatlik haqidagi ma’lumotnoma berishi dargumon”, — dedi Peskov.
So‘nggi paytlarda Ramzan Qodirovning sog‘lig‘ida jiddiy o‘zgarishlar kuzatilgani haqida xabarlar paydo bo‘ldi. Muxolifatdagi Chechen ommaviy axborot vositalari manbalarga tayanib, uning komaga tushgani va hatto vafot etganini yozdi.
Ukraina Mudofaa vazirligi Bosh razvedka boshqarmasi vakili Andrey Yusov ham Qodirovning kasalligi haqida ma’lumotni tasdiqladi. Ehtimol, bu xabarlarni rad etish maqsadida Qodirovning Telegram-kanalida uning bog‘da sayr qilgani aks etgan video paydo bo‘ldi. U qayerda va qachon yozib olingani noaniq.
“Bizda hech qanday ma’lumot yo‘q. Har holda, prezident administratsiyasi uning sog‘lig‘i haqida ma’lumot berolmaydi. Shuning uchun aytarli gapimiz yo‘q”, — dedi Peskov jurnalistlarning Kreml Qodirovning ahvolidan qay darajada xavotirda ekani haqidagi savoliga javoban.
Bundan tashqari, Peskov Qodirov go‘yoki yakshanba kuni Moskvaga Putin bilan uchrashish uchun uchib ketgani haqidagi xabarlarga izoh berdi.
“Rossiya prezidenti Vladimir Putin bilan hech qanday uchrashuv bo‘lmagan”, — deb javob berdi Peskov.
Izoh (0)