So‘nggi yillarda mamlakatimiz iqtisodiyotida erishilgan yutuqlar, davlat tomonidan amalga oshirilgan islohotlar va ochiqlik siyosatining natijasidir. Mahalliy bank tizimining asosiy ishtirokchilaridan biri hisoblangan “Asakabank” AJ ham ushbu islohotlarga faol ishtirok etib, moliyaviy institut sifatida O‘zbekistonning iqtisodiy rivojlanishiga o‘z hissasini qo‘shib kelmoqda.
Bank 27 yillik faoliyati davomida ko‘plab xalqaro moliyaviy institutlar va banklar bilan hamkorlik yo‘lga qo‘yish bilan bir qatorda xalqaro reyting agentliklari bilan ham samarali ishlab kelmoqda.
Ushbu agentliklardan biri bo‘lgan Moodyʼs xalqaro reyting agentligi Asakabank bilan 2008-yildan buyon samarali hamkorlikni yo‘lga qo‘yib, banklar kredit reytinglarini yillik qayta ko‘rib chiqish doirasida Asakabankning uzoq muddatli bank depozitlari reytingini “B1” dan “Ba3” ga va bazaviy kredit reytingini “B3” dan “B2” ga oshirish haqida xulosa berdi, bu yesa o‘z o‘rnida “Asakabank” AJning investitsion salohiyati oshishiga asosiy omillardan biri bo‘lib xizmat qiladi.
Mazkur reyting oshirilishi bankning moliyaviy ko‘rsatkichlarini doimiy ravishda yaxshilab borilishi, bank rentabelligini oshirish, muammoli kreditlar ulushini kamaytirish va kapitalning yuqori yetarlilik darajasini saqlab turish bo‘yicha olib borilayotgan doimiy saʼy-harakatlaridan dalolat beradi, hamda Asakabankning mahalliy bozordagi hissasi 10% dan ortiq ulushiga to‘g‘ri kelishi, bankning ichki bozorda alohida mavqeiga egaligining yaqqol misolidir.
Bundan tashqari, kredit reytingining yangilanib borishi mamlakatda amalga oshirilayotgan iqtisodiy islohotlarning samarali amalga oshirilayotganligining dalilidir.
Maʼlumot o‘rnida: Moodyʼs xalqaro miqyosda tan olingan reyting agentliklaridan biri bo‘lib, 1909-yilda qo‘shma shtatlarda tashkil yetilgan. Agentlik yirik banklar, kompaniyalar, korporatsiyalarga kredit reytinglarini, shuningdek davlatlarga suveren reytinglarni berish bilan shug‘illanadi.
Reklama huquqi asosida.
Izoh (0)