Toshkent shahrida Central Asian Expo Uzbekistan (CAEx) ko‘rgazma majmuasining ochilish marosimi bo‘lib o‘tdi. Tadbirga xorijiy va mahalliy tadbirkorlar, siyosatchilar, taniqli sanʼatkorlar va boshqa turli soha vakillari tashrif buyurdi.
Ochilish marosimida mehmonlar ko‘rgazma markazining imkoniyatlari bilan tanishtirildi.
CAEx Markaziy Osiyodagi eng yirik ko‘rgazma majmuasi bo‘lib, uning umumiy maydoni 23 000 m². Pavilioni esa 18 000 m² joyni egallagan. Inshoot hududida 700 dan ortiq avtomobillar sig‘imiga ega turargoh ham mavjud.
CAEx—yirik mahalliy va xalqaro ko‘rgazmalar, anjumanlar, sport musobaqalari, forum va festivallarni o‘tkazish uchun eng qulay markazdir.
“Bugungi ochilish marosimiga Yevropa, Osiyo, Markaziy Osiyo davlatlaridan mehmonlar tashrish buyurdi. CAEx’ni barpo etishdan asosiy maqsad O‘zbekistondagi ko‘rgazmalar sohasini rivojlantirish, xalqaro ko‘rgazmalarning sonini oshirishdan iborat. Bu yerda juda ko‘p tadbirlar o‘tkazilishiga umid qilamiz. Majmuada birinchi ko‘rgazma-yarmarkasi “CAEx Mebel & Decor 2023” joriy yilning 22–24-sentabr kunlari bo‘lib o‘tadi”,—dedi CAEx direktorining o‘rinbosari Shohruhbek Shomurodov.
Ko‘rgazma markazining ikkinchi qavatida 8 ta muzokaralar xonasi, 1 ta anjuman zali, 7 ta umumiy ovqatlanish zonalari mavjud. Bino konditsionerlar, audio-video uskunalar, liftlar, Wi-Fi hamda qo‘riqlash xizmati bilan to‘liq taʼminlangan.
CAEx 6x6 o‘lchamdagi 4 ta texnik darvoza bilan jihozlangan. Inshootning sunʼiy yoritish tizimi 1 kvadrat metrga 500 lyuksni tashkil qiladi. Pavilyonning poli bir kvadrat metrga 3 tonna og‘irlikni ko‘tara oladi. Eng ahamiyatli jihatlardan biri CAEx majmuasida 150 ta ish o‘rni yaratilgan.
Reklama huquqi asosida.
Izoh (0)