Qirg‘izistonning Botken viloyatida korrupsiya va ko‘mir biznesiga yordam berganlikda ayblangan mansabdorlar qo‘lga olindi. Bu haqda 24.kg xabar berdi.
11-sentabr kuni Qirg‘iziston Jinoyat kodeksining 336-moddasi “Korrupsiya” bilan qo‘zg‘atilgan jinoyat ishi doirasida qo‘shni davlatlarga arzonlashtirilgan narxda sifatsiz ko‘mir sotish bilan shug‘ullangan shaxslar hibsga olingan.
Davlat va xususiy tuzilmalar mansabdor shaxslarining xatti-harakatlari qatoriga turli navdagi ko‘mirni bozor qiymatidan 3-5 baravar past narxda sotish va eksport qilish kiradi. Natijada mamlakat budjetiga ayniqsa katta miqdorda soliq va bojxona to‘lovlari tushmagan.
Tintuv natijasida videokuzatuv kameralaridan jurnallar, shartnomalar, cheklar, qattiq disklar topilib, qo‘shimcha o‘rganilib, tahlil qilinmoqda. Eksport deklaratsiyasini tayyorlash uchun tadbirkorlik subyektlari “MBank” mobil ilovasi orqali vositachilarga 300 AQSH dollari to‘lagan
Davlat bojxona xizmatining rasmiy maʼlumotlariga ko‘ra, 2023-yilning 1-yanvaridan 27-iyuliga qadar Botken viloyatidagi ko‘mir konlaridan 318 ming tonnadan ortiq turli navdagi ko‘mir qo‘shni davlatlarga eksport qilingan va shu sababli Qirg‘izistonda ko‘mir narxi oshgan.
Izoh (0)