Namangan viloyatida qidiruvga berilgan bola Toshkent viloyatining Yangiyo‘l tumanidagi dala maydonidan topildi. Bu haqda MIB axborot xizmati “Daryo”ga maʼlum qildi.
Aytilishicha, fuqarolik ishlari bo‘yicha Chust tumanlararo sudining apreldagi ijro varaqasiga asosan, daʼvogor X.M. foydasiga javobgar R.M.dan 6 yoshli farzandini olib berish belgilangan.
“Bo‘lim ish yurituviga olingan mazkur hujjat ijrosini taʼminlash maqsadida javobgarga ixtiyoriy muddat berilgan. Lekin qarzdor farzandini bergisi kelmay, sud hukmini ixtiyoriy bajarishdan bosh tortgan. Ota bolani onasiga bermaslik maqsadida boshqa viloyatga olib ketib, yashirib yurgan.
Boshqarma xodimlari tomonidan qidiruv eʼlon qilinib, kuzatuv ishlari olib borildi. Olib borilgan tadbir davomida bolakay Toshkent viloyatining Yangiyo‘l tumanidagi fermer xo‘jaligi maydonida vaqtinchalik ishlash uchun borgan joydan topildi”, — deyiladi MIB axborotida.
Ayni vaqtda bola o‘z onasiga topshirilgan.
Izoh (1)
Bu ish aslida bunday bo'lmagan.Bu oila 8 yildan beri farzandlik bo'lishmaydi va bular talashayotgan farzand aslida bolaning otasi deb atalayotgan R.M ning akasidan olingan bola. Bu bola aslida otasi R.M bilan qolish tarafdori