10-sentabr kuni Rossiyaning Vologda viloyatida Robinson vertolyoti halokatga uchradi. Bir kishining o‘limi haqida ma’lumotlar mavjud, deb yozmoqda.“Izvestiya”.
Xabarga ko‘ra, qurbonning jasadi topilmayapti, chunki vertolyot qulagandan keyin butunlay suvga cho‘kib ketgan.
“Marhumning jasadi vertolyotda qisilib qolgan. U Vologda viloyatiga Arxangelskdan ta’tilga kelgandi. Avariyada Taxar Altiyev va Sergey Shelok jarohat olgan. Ular og‘ir tan jarohatlari bilan Vojegoda markaziy tuman kasalxonasiga yotqizildi”, — deydi nashr manbasi.
Dastlabki versiyaga ko‘ra, vertolyot suv yuzasidan pastdan uchayotganda, unga tegib, cho‘kib ketgan.
O‘sha kuni Vengriyaning Sekeshfexervar shahri yaqinida aviashou vaqtida sport samolyoti qulab tushdi, ikki kishi halok bo‘ldi.
MTI agentligi ma’lumotlariga ko‘ra, uchoq boshqaruvni yo‘qotib, yerga qulagan, so‘ng portlab ketgan. Ikki kishi halok bo‘lgan, to‘rt kishi turli tan jarohatlari olgan.
“Politsiya boshqarmasi maʼlumotlariga ko‘ra, aviahalokat oqibatida 67 yoshli ayol va 37 yoshli erkak halok bo‘ldi”, — deyiladi xabarda.
Qayd etilishicha, samolyot avtoturargoh yaqinida qulagan va portlagan, shundan so‘ng u yerda turgan mashinalardan biri yonib ketgan. Mashina ichidagilar va uning yonida bo‘lganlar – to‘rt kishi kuyish va boshqa tan jarohatlarini olgan. Ular tez yordam mashinasida shifoxonalarga yetkazilgan.
Fojiali voqeadan keyin aviashou bekor qilindi. Halokat sabablari hozircha ma’lum emas, tergov boshlangan.
Izoh (0)