10 сентябрь куни Россиянинг Вологда вилоятида Робинсон вертолёти ҳалокатга учради. Бир кишининг ўлими ҳақида маълумотлар мавжуд, деб ёзмоқда.“Известия”.
Хабарга кўра, қурбоннинг жасади топилмаяпти, чунки вертолёт қулагандан кейин бутунлай сувга чўкиб кетган.
“Марҳумнинг жасади вертолётда қисилиб қолган. У Вологда вилоятига Архaнгелскдан таътилга келганди. Аварияда Тахар Алтиев ва Сергей Шелок жароҳат олган. Улар оғир тан жароҳатлари билан Вожегода марказий туман касалхонасига ётқизилди”, — дейди нашр манбаси.
Дастлабки версияга кўра, вертолёт сув юзасидан пастдан учаётганда, унга тегиб, чўкиб кетган.
Ўша куни Венгриянинг Секешфехервар шаҳри яқинида авиашоу вақтида спорт самолёти қулаб тушди, икки киши ҳалок бўлди.
МТИ агентлиги маълумотларига кўра, учоқ бошқарувни йўқотиб, ерга қулаган, сўнг портлаб кетган. Икки киши ҳалок бўлган, тўрт киши турли тан жароҳатлари олган.
“Полиция бошқармаси маълумотларига кўра, авиаҳалокат оқибатида 67 ёшли аёл ва 37 ёшли эркак ҳалок бўлди”, — дейилади хабарда.
Қайд этилишича, самолёт автотураргоҳ яқинида қулаган ва портлаган, шундан сўнг у ерда турган машиналардан бири ёниб кетган. Машина ичидагилар ва унинг ёнида бўлганлар – тўрт киши куйиш ва бошқа тан жароҳатларини олган. Улар тез ёрдам машинасида шифохоналарга етказилган.
Фожиали воқеадан кейин авиашоу бекор қилинди. Ҳалокат сабаблари ҳозирча маълум эмас, тергов бошланган.
Изоҳ (0)