UNESCO bosh qarorgohida Dmitriy Yanov-Yanovskiy asarining jahon premyerasi bo‘lib o‘tdi. Bu haqda O‘zbekiston prezidenti yordamchisi Saida Mirziyoyeva o‘zining Telegramʼdagi kanali orqali xabar berdi.
Unga ko‘ra, Abu Rayhon Beruniy hayoti va ijodiga bag‘ishlangan ko‘rgazma ochilishi munosabati bilan UNESCO bosh qarorgohida atoqli bastakor Dmitriy Yanov-Yanovskiy asarining jahon premyerasi ham bo‘lib o‘tdi. Bastakor “Zij — burjlar taronasi” asarini Sharqning to‘rt buyuk mutafakkiri: Al-Xorazmiy, Ibn Sino, Abu Rayhon Beruniy va Mirzo Ulug‘bek siymosiga hurmat tariqasida yaratgan.
“O‘zbekiston Milliy simfonik orkestri ijrosi sanʼat ixlosmandlarini O‘zbekiston madaniy-tarixiy merosining yangi qirralari bilan tanishtirdi”, — deydi Saida Mirziyoyeva.
Izoh (0)