O‘zbekistonliklar Germaniyaga ishga taklif qilinmoqda. Oylik 2,5 ming yevrodan boshlanadi

Tashqi mehnat migratsiyasi agentligi Germaniyada turizm sohasida ishlash istagida bo‘lgan fuqarolarga murojaat qildi.

Ma’lum qilinishicha, Tashqi mehnat migratsiyasi agentligi hamda Germaniyaning ConsultingUz tashkiloti orqali Europa park GmbH kompaniyasida mehmonxona, restoran, oshxona sohalarida ishlash istagida bo‘lgan fuqarolar ishga taklif etiladi. Nomzodlar uchun talablar:

• nemis tilini kamida B1 darajada bilish (sertifikat talab qilinmaydi);
• 18-40 yosh;
• sudlanmagan;
• jismonan sog‘lom;
• xushmuomalalik va kirishimlilik;
• sinov muddati 6 oy.

Quyidagi sohalardan birida diplom:

• turizm menejmenti;
• mehmonxona ishi;
• oziq-ovqat texnologiyalari;
• xalqaro turizm;
• menejment;
• germanistika;
• lingvistika;
• iqtisodchi;
• biznesni boshqarish;
• ingliz tili; 
• nemis tili;
• fransuz tili.

Loyihaning afzalliklari:

• Oylik 2500 yevro (brutto). Mehnat sharoitlari nemislar bilan bir xil (oylik, sug‘urta, ta’til);
• O‘zbekistondan Germaniyaga bir tomonlama aviachipta va aeroportdan ish joyigacha transfer;
• arzonlashtirilgan turar joy bilan ta’minlash.

Ro‘yxatdan o‘tish uchun zarur hujjatlar:

• Tarjimayi hol (nemis yoki ingliz tilida);
• Diplom (4-bosqich talabasi diplomni olgandan so‘ng ham jo‘natishi mumkin);
• Shaxsni tasdiqlovchi hujjat (pdf shaklda).

Ro‘yxatdan o‘tish uchun