Ўзбекистонликлар Германияга ишга таклиф қилинмоқда. Ойлик 2,5 минг евродан бошланади

Ташқи меҳнат миграцияси агентлиги Германияда туризм соҳасида ишлаш истагида бўлган фуқароларга мурожаат қилди.

Маълум қилинишича, Ташқи меҳнат миграцияси агентлиги ҳамда Германиянинг ConsultingУз ташкилоти орқали Europa парк ГмбҲ компаниясида меҳмонхона, ресторан, ошхона соҳаларида ишлаш истагида бўлган фуқаролар ишга таклиф этилади. Номзодлар учун талаблар:

• немис тилини камида B1 даражада билиш (сертификат талаб қилинмайди);
• 18-40 ёш;
• судланмаган;
• жисмонан соғлом;
• хушмуомалалик ва киришимлилик;
• синов муддати 6 ой.

Қуйидаги соҳалардан бирида диплом:

• туризм менежменти;
• меҳмонхона иши;
• озиқ-овқат технологиялари;
• халқаро туризм;
• менежмент;
• германистика;
• лингвистика;
• иқтисодчи;
• бизнесни бошқариш;
• инглиз тили; 
• немис тили;
• француз тили.

Лойиҳанинг афзалликлари:

• Ойлик 2500 евро (брутто). Меҳнат шароитлари немислар билан бир хил (ойлик, суғурта, таътил);
• Ўзбекистондан Германияга бир томонлама авиачипта ва аэропортдан иш жойигача трансфер;
• арзонлаштирилган турар жой билан таъминлаш.

Рўйхатдан ўтиш учун зарур ҳужжатлар:

• Таржимаи ҳол (немис ёки инглиз тилида);
• Диплом (4-босқич талабаси дипломни олгандан сўнг ҳам жўнатиши мумкин);
• Шахсни тасдиқловчи ҳужжат (пдф шаклда).

Рўйхатдан ўтиш учун