AQSHning sobiq prezidenti Donald Tramp 2024-yilgi saylovlarda qayta saylansa, siyosiy dushmanlarini qamoqqa tashlashga va’da berdi.
Shu bilan birga, u Baydenni ana shunday raqiblardan biri deb bilishiga shama qildi, deya xabar bermoqda The Guardian nashri.
Jurnalist Trampdan prezidentlik paytida Hillari Klintonni hibsga olmaganidan afsusdami- yo‘qmi, shuningdek, yana prezident bo‘lsa, hozirgi “siyosiy dushmanlari”ni qamab qo‘yadimi yoki yo‘qmi, deb so‘radi. Tramp bunga ijobiy javob qaytardi.
“Javobim shunday: mening boshqa ilojim yo‘q, chunki ular menga nisbatan shunday qilishyapti”, — dedi sobiq prezident.
Tramp, shuningdek, AQShning amaldagi prezidenti Jo Baydenni o‘ziga qo‘yilgan ayblovlarga aloqador deb hisoblashini qo‘shimcha qildi.
Izoh (0)