Gollivud yulduzlari birgina roli uchun olgan gonorarini oddiy odamlar bir umr ishlab ham topa olmasligi mumkin.
Anjelina Joli
Film: “Solt”, 2010-yil
Gonorar: 20 million dollar
“Oltin globus” sovrindori va arsenalida 40 dan ortiq kinofilmlar bo‘lgan aktrisaga eng ko‘p gonorar “Solt” filmi uchun to‘langan. Filmda aktrisa rus ayg‘oqchisi rolini ijro qilgan.
Juliya Roberts
Film: “Mona Liza tabassumi”, 2003-yil
Gonorar: 25 million dollar
“Oltin globus”, “Oskar”, “Emmi” va BAFTA mukofotlariga sovrindor bo‘lgani, aktrisaga to‘lanadigan haq miqdori ortishiga sabab bo‘lgan. “Mona Liza tabassumi” filmidagi roli uchun Juliya 25 million dollarni qo‘lga kiritgan.
Jim Kerri
Film: “Hech qachon yo‘q dema”, 2008-yil
Gonorar: 35 million dollar
“Oltin Globus” mukofotiga olti marta nomzod bo‘lib ikki marta sazovor bo‘lishga muvaffaq bo‘lgan Jimning yutuqlari orasida “Oskar” yo‘qligi kishini ajablantiradi. Shunga qaramasdan aktyor, eng ko‘p haq to‘lanadigan kino olami vakillaridan biri hisoblanadi. “Hech qachon yo‘q dema” filmi uchun 35 million dollar olgani esa buning isboti.
Leonardo Di Kaprio
Film: “Ibtido”, 2010-yil
Gonorar: 55 million dollar
Arsenalida 10 dan ortiq nufuzli kinomukofotlar bo‘lgan Di Kaprio, karyerasi davomida eng ko‘p gonorarni “Ibtido” filmida gavdalantirgan roli uchun qo‘lga kiritgan. Odatda 20 million haq oladigan Leoning bunday summani qo‘lga kiritishiga film rejissorlarining filmdan tushgan daromaddan ulush ajratishni va’da qilgani sabab bo‘lgan.
Jek Nikolson
Film: “Betmen”, 1989-yil
Gonorar: 60 million dollar
“Oskar”ga 12 marta nomzodi qo‘yilib, ikki marta sazovor bo‘lishga muvaffaq bo‘lgan aktyor, “Betmen”dagi roli uchun mukofotga ega bo‘lmagan bo‘lsa ham, Joker obrazini gavdalantirgani uchun karyerasidagi eng katta haq to‘langan.
Sandra Bullok
Film: “Gravitatsiya”, 2013-yil
Gonorar: 70 millon dollar
“Gravitatsiya” filmida aslida Anjelina Joli rol ijro qilishi kerak bo‘lgan, lekin noaniq sabablarga ko‘ra ushbu rol Sandraga nasib qilgan. Bullok ushbu roli uchun nafaqat 70 million dollar gonorar, balki “Oskar”, “Oltin Globus” va BAFTA mukofotlariga sazovor bo‘lgan.
Tom Xenks
1. Film: “Forrest Gamp”, 1994-yil
Gonorar: 70 million dollar
2. Film: “Oddiy askar Rayanni qutqarish”, 1998-yil
Gonorar: 40 million dollar
3. Film: “Farishtalar va iblislar”, 2009-yil
Gonorar: 50 million dollar
“Forrest Gamp” suratga olinishidan avval film rejissorlari natija muvaffaqiyatli bo‘lishiga shubha qilgan va Tomga tushadigan daromadning 10 foizini va’da qilgan. Alal-oqibat film eng yuqori reytinglardan o‘rin olgan va Xenksga 70 million dollar to‘langan. “Oddiy askar Rayanni qutqarish” filmi uchun 40 million dollar, 2009-yilda suratga olingan “Farishtalar va iblislar” filmi uchun 50 million dollarga ega bo‘lgan.
Jonni Depp
1. Film: “Alisa g‘aroyibotlar mamlakatida”, 2010-yil
Gonorar: 75 million dollar
2. Film: “Karib dengizi qaroqchilari: Noma’lum sohillarda”, 2011-yil
Gonorar: 56 million dollar
Jonni Deppga ham hamisha eng yuqori narxlar to‘langan, lekin “Alisa g‘aroyibotlar mamlakatida” va “Karib dengizi qaroqchilari: Noma’lum sohillarda” filmlari uchun olgan gonorari aktyor karyerasidagi eng katta mablag‘ sanaladi.
Uill Smit
1. Film: “Men robotman”, 2004-yil
Gonorar: 28 million dollar
2. Film: “Qora libosli odamlar-3”, 2012-yil
Gonorar: 100 million dollar
Aktyor o‘zi va ijrosiga bahosi yuqori bo‘lgan kino olami vakillaridan sanaladi. “Qora libosli odamlar” filmining 1-2 qismlari uchun atigi 5 million dollar olgan Uilning, ijrosidan keyin uchinchi qism ham mashhurlikka erishishiga ishonchi komil bo‘lib, 100 million dollar so‘ragani buning isboti. Bungacha aktyor olgan gonorarlarning eng yuqorisi “Men robotman” filmi uchun to‘langan 28 million dollar bo‘lgan.
Tom Kruz
1. Film: “Uddalab bo‘lmas topshiriq-2”, 2000-yil
Gonorar: 75 million dollar
2. Film: “Dunyolar jangi”, 2005-yil
Gonorar: 100 million dollar
3. Film: “Uddalab bo‘lmas topshiriq-3”, 2006-yil
Gonorar: 75 million dollar
Aktyor “Dunyolar jangi”da ishtirok etib 100 million dollar olmaguniga qadar, “Uddalab bo‘lmas topshiriq” filmining 2-3 qismlari uchun to‘langan gonorarlar karyerasidagi eng katta haq bo‘lgan. Xulosa qilinadigan bo‘lsa, aktyor 6 yillik aktyorlik faoliyati davomida 250 million dollarga ega bo‘lgan.
Izoh (0)