Баъзида ҳатто энг истеъдодли актёрлар ҳам фильмда янги рол танлашда муаммога дуч келишади.
Аня Тейлор-Жой — Жин Грэй ролида (“Шелбилар оиласи”)
Ижтимоий тармоқ фойдаланувчилари Аняни “Шелбилар оиласи” фильмидаги ролининг сохталиги билиниб туради деб ҳисоблашади. Унинг нутқи ва интонацияси равон ҳамда табиий чиқмаган, ҳатто юриши ҳам кадрда ғалати кўринади.
Галь Гадот — Диана Принс ролида (“Ғаройиб аёл”)
Томошабинларнинг фикрича, Галь Гадот гарчи яхши актриса бўлса-да, ярим маъбуда ролига мос келмаган. “Ғаройиб аёл” мушакдор ва бақувват танага эга жангчи бўлиши керак эди, аммо Гадот жуда чиройли ва жозибали аёл образини яратган.
Женнифер Лопес — Мариса Вентура ролида (“Оқсоч хоним”)
Женнифер Лопес иштирокидаги ҳар қандай фильм дастлаб муваффақиятсизликка учрайди, деган фикр бор, чунки юлдуз ҳамма жойда бир хил турдаги ролларни ўйнайди ва бир хил ҳис-туйғуларни намойиш этади. “Оқсоч хоним” фильмидаги Мариса мухлисларга жуда сўлғин ва бўшанг бўлиб туюлади. Бу қаҳрамоннинг алоҳида ажралиб турадиган жиҳати йўқ.
Лиам Хемсворт — Гейл Хоторн ролида (“Ҳаёт-мамот ўйинлари”)
Актёр “Ҳаёт-мамот ўйинлари” фильмидаги Гейл роли учун танқид қилинади. Хемсворт бу персонажнинг харизмасини шунчаки етказа олмагани таъкидланади.
Натали Портман — Жейн Фостер ролида (“Тор”)
Томошабинларнинг фикрича, Портман Marvel оламига шунчаки мос келмайди. Натали ажойиб актриса бўлишига қарамай, унинг қаҳрамони жуда зерикарли бўлиб чиқади, бошқа қаҳрамонлар билан ўзаро муносабати ҳам жуда зерикарли туюлади.
Тимоти Шаламе — Вилли Вонка ролида (“Вонка”)
Янги “Вонка” фильмининг биринчи трейлеридан сўнг кўпчилик мухлислар бош ролга актёр танлашдан мамнун бўлишмади. Twitter фойдаланувчилари Шаламени бу ролга мос келмаслигини ёзишди.
Шунингдек, уларга юлдуз бу образда ўзини ноқулай ҳис этаётгандек, кулгили бўлишга уринаётгандек туюлган. Унинг қаҳрамонини Вонка ролини ўйнаган бошқа актёрлар билан таққослаб бўлмайди, албатта.
Жулия Робертс — Вивиан (“Гўзал аёл”)
Баъзи кино мухлислари Жулиянинг “Гўзал аёл” фильмидаги ролидан кўнгли тўлмаган. Томошабинлар унинг кадрда маъносиз кўринишини, жиддий саҳналарда адашганини ва сюжет талаб қилмаган кадрларда жуда драматик эканлигини ҳис қилишган.
Жаред Лето — Joker (“Ўз жонига қасд қилувчилар гуруҳи”)
Жаред Лето ақлдан озган Joker сифатида томошабинлар қалбини забт эта олмади. Кўпгина кино мухлислари уни Хит Лежер билан солиштиришади, у ҳам фильмлардан бирида ушбу ёвуз қаҳрамон ролини ўйнаган ва Жаред унинг фонида шунчаки кўринмай қолган, деб ҳисоблашади.
Изоҳ (0)