2021-yilda komedik aktyor Jim Kerri ishtirokidagi “Niqob” filmining suratga olinganiga 27 yil bo‘ldi. Ajablanarlisi shundaki, ushbu kinokartina hali ham tomoshabinlarning eng sevimli filmlari qatoridan tushmagan. “Niqob” filmining suratga olish jarayonlari ancha qiyin kechdi va bundan ham quvonarlisi, suratga olish guruhi barcha qiyinchiliklarni boshdan kechirib tomoshabinlarga qiziqarli filmni taqdim etishga muvaffaq bo‘ldi. “Yandeks Dzen” nashri kinokartina haqidagi faktlarni taqdim etdi.
O‘sha paytdagi vizual effektlardan foydalanilganiga qaramay, filmni ishlab chiqarish uchun kam miqdorda — 23 million dollar sarflandi. Bunday tejamkorlikning asosiy afzalliklaridan biri Jimm Kerriga tegishli, chunki uning ifodali yuzi tufayli kinokartina yaratuvchilari post-produksiyani yaxshilash uchun bir necha baravar kamroq sarflashlari kerak edi.
“Niqob” filmidagi bosh rolda boshqa aktyorni tasavvur qilish umuman imkonsiz bo‘lsa-da, “New Line” Jim ushbu obrazni gavdalantirishidan oldin yana bir qancha aktyorlarni ko‘rib chiqqan. Ular orasida mashhurlikka erishgan yulduzlar ham, Gollivudning yetuk aktyorlari ham bor edi. Eng qizig‘i, Nikolas Keyj va Metyu Broderik ham bosh rolga da’vogarlik qilgan. Shubhasiz, studiya rahbarlari to‘g‘ri qaror qabul qilgan, ammo Keyjni bu rolda ko‘rish yanada qiziqroq bo‘lar edi.
“Niqob” filmi original mahsulot emas, u komikslar serialining moslashuvi hisoblanadi. Asosiy farq — bu hikoyaning ohangida. Komikslarda boshqacharoq edi, niqob egasi o‘z qurbonlarini eng murakkab usullar bilan yo‘q qilardi. Filmda ham xuddi shunday voqealar aks etdi, biroq rejissor Chak Rassell fint yasashga va sodir bo‘layotgan voqealarni sof komediyaga aylantirishga qaror qildi. Natijada “Niqob”ning sujeti soddalashtirildi, Stenlining iti Maylo va yovuz Dorian Tirell kabi qahramonlar boshidan qayta yaratildi.
Jim Kerrini kadrda ko‘rishi kerak bo‘lgan shaklga keltirish uchun grimyorlarga to‘rt soatli mashaqqatli mehnat kerak edi. Aktyorning o‘zini ham, grimyorlarning ham ahvolini tasavvur qilishingiz mumkin – birinchisi jim o‘tirish uchun qo‘lidan kelganicha harakat qilishi kerak edi, ikkinchisi – aktyor qimirlamasligi uchun hamma narsani qilishi kerak edi.
Hech kimga sir emaski, filmlarning aksariyati vaqtni rejalashtirish, xarajatlarni kamaytirish uchun ketma-ketlikda suratga olinadi. “Niqob” filmiga kelsak, bankda bo‘ladigan barcha sahnalar bir kunda suratga olingan.
“Niqob” Kameron Dias uchun katta kino olamiga o‘ziga xos tramplin bo‘ldi, lekin u juda qiyinchilik bilan mashhur rolni olishga muvaffaq bo‘ldi. “New Line” bosh rollardan birida tajribasi yo‘q aktrisani olishga unchalik shoshilmagan, sababi ushbu rolga mashhur aktrisalar nomzod qilib ko‘rsatilgan. Rejissor Chak Rassell Diasning tanloviga shunchalik ishonganki, agar unga bu rol berilmasa, o‘z lavozimini tark etish bilan tahdid qilgan.
“Kubacha pit” musiqiy sahnasi filmdagi eng mashhur sahnalardan biri bo‘lib, unda bosh qahramon chiroyli, murakkab qo‘shiq, raqs kompozitsiyasini ijro etadi va yig‘ilgan huquq-tartibot idoralari xodimlari ojiz bo‘lib qolib, unga qo‘shilishadi. Biroq prodyuserlarga bu sahna shunchalik yoqmagan, ular bu sahnani filmdan kesib tashlamoqchi bo‘lishdi, chunki ijodkorlar uni juda uzoq vaqtni oladigan va kulgili deb bilishdi.
Agar ramziy sariq kostyum to‘g‘ridan to‘g‘ri komikslar sahifalaridan olingan deb o‘ylasangiz, adashasiz. Darhaqiqat, bu Jimning onasi u uchun birinchi marta stendapda chiqqanida tikilgan kostyumga asoslangan edi.
Stenli buzilgan mashinasini garajga olib borib, ishga layoqatsiz mexaniklar bilan ishlashga majbur bo‘ladi. Agar garajning ichki qismida dejavyuni his qilsangiz, bu tasodif emas. Bu joy aslida “Sharpa ovchilari” filmidagi o‘t o‘chirish stansiyasi bo‘lib, u haqiqiy hayotda faoliyat yuritmaydi va hozirda asosiy turistik diqqatga sazovor joy hisoblanadi.
Kerri va Dias raqs bilan bog‘liq sahnani o‘zlari ijro etishgan bo‘lsa-da, qo‘shiq aytish sahnasi biroz boshqacha kechdi. Jim “Ain’t I good to you?” taronasini o‘zi kuyladi, biroq Dias dublyorning yordamidan foydalanishga majbur bo‘ldi.
“Niqob”ni “Oskar” mukofotiga sazovor bo‘lgan boshqa filmlar bilan solishtirib mumkin emas, biroq filmdagi vizual effektlarning betakrorligi borasida bahslashib bo‘lmaydi. Ular yuqori baholandi va “Niqob” filmi “Eng yaxshi vizual effektlar” nominatsiyasida “Oskar” mukofotiga nomzod bo‘ldi. Biroq film haykalchaga ega bo‘la olmadi, chunki ushbu nominatsiyada mukofotni “Forrest Gamp” qo‘lga kiritdi.
Shubhasiz, Kerri o‘z ijrosida multfilmlardan ham, klassik filmlardan ham ilhomlangan, biroq shaxsiy darajada u o‘z oilasidan ilhom olgan. Aktyor intervyularining birida Stenli qiyofasida otasidan foydalanganini, chunki ularning juda o‘xshashligini aytgan.
Jim Kerri o‘z roli uchun o‘sha davr uchun kamtarona hisoblangan 450 000 dollar olgan. Baxtli tasodif tufayli ijodkorlar Kerri bilan shartnomani uning karyerasi tez sur’atlar bilan boshlanishidan oldin imzolashga muvaffaq bo‘ldi. Agar bu holat biroz kechroq sodir bo‘lsa, aktyor bemalol yarim million emas, besh, hatto yetti million dollar ham talab qilishi mumkin edi.
Kassadagi muvaffaqiyatdan so‘ng, New Line filmning mantiqiy davomini suratga olish rejasini ishlab chiqdi va studiya Kerriga o‘ziga xos rolga qaytish uchun o‘n million dollar taklif qildi. Biroq Kerri buni rad etdi, chunki o‘sha paytda uning loyihalari yetarli edi, ikkinchidan, uning bu rolga qaytishi maqsadga muvofiqligiga ishonchi komil emas edi. Keyinchalik, “Niqob”ning o‘g‘li haqidagi film suratga olindi, biroq bu loyiha muvaffaqiyatsiz bo‘ldi.
Film Tina niqobni suvga tashlashi va Stenlining iti Charli uning orqasidan sakrashi aks etgan voqea bilan tugaydi. Ssenariy dastlab Charlining niqobga kirishi va uni kiyishi bilan bog‘liq voqea bilan yakunlangan edi, bu esa loyihaning potensial davomiga dadil ishora qilish imkonini berdi. Xabar qilinishicha, bu sahna suratga olingan, biroq fokus-guruhga unchalik yoqmagani uchun ular shoshib qayta suratga olish jarayonlarini tashkil qilgan.
Izoh (0)