Qashqadaryo viloyatida Mustaqillik bayrami munosabati bilan pensionerlarning 300 milliard so‘mdan ortiq pensiya pullari muddatidan avval to‘lab berildi. Bu haqda “Daryo”ga Budjetdan tashqari Pensiya jamg‘armasining Qashqadaryo viloyati boshqarmasi maʼlum qildi.
Masʼullarning maʼlumot berishicha, Mustaqillikning 32 yillik bayrami 2023-yilning 1-sentabr — juma hamda 2—3-sentabr shanba va yakshanba dam olish kuniga to‘g‘ri kelgani bois, keksa yoshdagi pensiya va nafaqa oluvchilarni, nogironligi bo‘lgan shaxslarni qo‘llab-quvvatlash hamda Mustaqillik bayramini ko‘tarinki ruhda kutib olishlarini taʼminlash maqsadida, pensiya va nafaqa to‘lovlarini naqd pulsiz (bank karta) shaklda muddatidan avval amalga oshirgan.
Boshqarma tomonidan 413 ming 801 nafar pensiya va nafaqa oluvchi fuqarolarga jami 440,7 milliard so‘mlik to‘lov qaydnomalari shakllantirilib, mazkur mablag‘lar tijorat banklariga yuborildi. To‘lovlarni bank kartasi orqali oluvchilarga bugungi kunda jami 300,8 milliard so‘mlik mablag‘lar muddatidan oldin to‘liq to‘lab berildi. Naqd pul shaklida pensiya va nafaqa oluvchilarga to‘lovlar 4-sentabr kunidan boshlab, “Xalq banki”ning sayyor kassalari tomonidan grafikka muvofiq amalga oshiriladi, — deydi boshqarma boshlig‘i Alisher Rajabov.
Izoh (0)