Toshkentning ikki tumani hududiga 29-avgust kuni tabiiy gaz yetkazib berish vaqtincha to‘xtatiladi. Bu haqda “Hududgaz Poytaxt” matbuot xizmati xabar berdi.
Ma’lum qilinishicha, taʼmirlash ishlari tufayli Mirzo Ulug‘bek va Yunusobod tumanlarining ayrim hududlariga 29-avgust kuni soat 10:00 dan 18:00 gacha tabiiy gaz yetkazib berish vaqtincha to‘xtatiladi.
Mirzo Ulug‘bek tumanining “Jasorat” mahallasi:
- Aholi isteʼmolchilari soni — 77 ta.
Yunusobod tumanining “Yurtobod”, “Shoshtepa” va “Uvaysiy” mahallalari
- Aholi isteʼmolchilari soni — 2502 ta;
- Ulgurji isteʼmolchilari soni — 14 ta.
Shuningdek, 29-avgust kuni kuz-qish mavsumiga puxta tayyorgarlik ko‘rish maqsadida poytaxtning ayrim tumanlari hududida elektr taʼminoti vaqtincha to‘xtatiladi:
- Bektemir tumani: “Nurliyo‘l” MFYning ayrim ko‘chalarida soat 09:00 dan 17:00 gacha;
- Mirobod tumani: “At-Termiziy” MFYning ayrim ko‘chalarida soat 10:00 dan 17:00 gacha;
- Yashnobod tumani: “Qalqon” MFYning ayrim ko‘chalarida soat 07:00 dan 17:00 gacha.
O‘z navbatida, yuqoridagi hududlarda taʼmirlash ishlari belgilangan vaqtdan avvalroq yakunlanishi mumkinligi aytilgan.
Avvalroq Toshkent xalqaro aeroportida shaharning “Qo‘yliq” podstansiyasida sodir bo‘lgan avariya tufayli elektr taʼminotida uzilish sodir bo‘lgandi. Shuningdek, O‘zbekiston Energetika vazirligi aholiga murojaat bilan chiqib, elektr energiyasini tejashning antiqa usulini ma’lum qilgan. Vazirlikka ko‘ra, elektr energiyasini tejash uchun kir yuvish mashinasidan foydalanganda pastroq haroratda kir yuvishga harakat qilish kerak.
Izoh (0)