Amerika Qo‘shma Shtatlari yadro quroliga ega bo‘lgan barcha davlatlarni yadro sinovlariga moratoriy e’lon qilishga chaqirdi.
Moratoriy e’lon qilgan davlatlarni esa bu tashabbusni qo‘llab-quvvatlashga chaqiradi, dedi AQSh davlat kotibining qurol nazorati bo‘yicha o‘rinbosari Bonni Jenkins BMT Bosh assambleyasi yig‘ilishida.
“Biz birinchi bo‘lib 1996-yil sentabrida Yadro sinovlarini to‘liq taqiqlash to‘g‘risidagi shartnomani imzolagan edik. O‘shandan beri AQSH yadroviy sinovlarga to‘liq moratoriyni saqlab kelmoqda. Va AQSH yadro quroliga ega bo‘lgan barcha davlatlarni bunday moratoriyni eʼlon qilishga yoki saqlab qolishga chaqiradi”, — dedi Jenkins.
Avvalroq Shimoliy Koreya Tashqi ishlar vazirligi Vashingtonni KXDRga qarshi yadro urushiga tayyorgarlik ko‘rayotganlikda va Koreya yarimorolidagi vaziyatni atay keskinlashtirishda ayblagandi.
Izoh (0)