Aktyorlar film ustida oylar, hatto yillar davomida ishlaydi. Shu sababli ularning ba’zilari hamkasblariga nisbatan his-tuyg‘ularni boshdan kechirishi ajablanarli emas.

Kler Deyns Leonardo Di Kaprioni sevib qolgan

“Romeo + Juliyetta” filmida Juliyettaning enagasi rolini ijro etgan aktrisa Miriam Margulisning so‘zlariga ko‘ra, Klerning Leoga bo‘lgan javobsiz muhabbatiga guvoh bo‘lish uning uchun judayam og‘riqli bo‘lgan. Chunki Leo uning his-tuyg‘ulariga nafaqat javob qaytarmaydi, balki qizdan yuz o‘giradi ham.

“Hamma Juliyetta o‘z Romeosini qanchalik sevishini ko‘rib turardi, lekin bu javobsiz muhabbat edi. Kler shunchaki Leoning ko‘nglidagidek qiz emasdi. Shuning uchun u qizga e’tibor qilishni xayoliga ham keltirmasdi”, — deydi Miriam.

Kevin Kostner Uitni Xyustonga parvona bo‘lgan

Nafaqat “Tansoqchi” filmidagi Kevin Kostnerning qahramoni, balki uning o‘zi ham taniqli qo‘shiqchini sevib qoladi. Uning so‘zlariga ko‘ra, Uitnining oldiga birorta ham erkakni yo‘latmaydi. Suratga olish ishlari tugagandan so‘ng ham aktyor sevgilisiga xat yozib turgan.

Xyuston vafot etganida Kostner: “U mening yagona va chin muhabbatim edi”, — deb barchaga ma’lum qilgan. Munosabatlar oshkor etilgandan so‘ng, film bosh qahramonlari o‘rtasidagi sevgi nega bunchalik ishonarli bo‘lgani oydinlashdi.

Elizabet Perkins Tom Xenksning ishqida g‘am chekkan

Yaqinda Elizabet “Katta” filmini suratga olish jarayonida Tom Xenks tufayli azob chekkanini tan oldi. Elizabetda aktyorga nisbatan his-tuyg‘ulari uyg‘ongandi, lekin Tom Xenks boshqa ayol bilan munosabatda bo‘lgan.

“O‘sha paytda Tom Rita Uilson bilan uchrashib yurardi. Ular hali oila qurmagandi, lekin shu narsa ham meni to‘xtatib qolardi. Garchi u juda kelishgan bo‘lsa ham”, — deydi Elizabet.

Elizabet Benks Vudi Xarrelsonni sevib qolgan

“Hayot-mamot o‘yinlari” filmiga bag‘ishlangan intervyuda Elizabetdan Vudi Xarrelson bilan ishlash qanday ekanini so‘rashadi. U: “Ha, bu tushdek o‘tdi-ketdi”, — deb javob beradi.

Benks, shuningdek, o‘sha paytda hamkasbini sevib qolganini ham qo‘shimcha qiladi. Aktrisaning filmdagi qahramoni ham Xarrelson ishqida yashirincha yongan. “Ammo Vudining o‘zi Elizabetga qanday munosabatda, buni bilmayman”, — deya qo‘shimcha qiladi aktrisa.

Kianu Rivz Sandra Bullokni maftun etgan

Sandraning aytishicha, “Tezlik” filmini suratga olish paytida u tez-tez ahmoqona vaziyatlarga tushib qolgan — hammasi Kianuni sevib qolgani tufayli. Rivzning yonida u diqqatini jamlay olmay, bo‘lar-bo‘lmasga kulavergan. Shunga qaramay aktrisa uning sevgisiga umid qilmagan: “Unga yoqmaydigan nimadir bor menda deb o‘ylaganman”, — deydi u.

Ammo Sandra adashgandi, chunki Rivzdan aktrisaning bu so‘zlariga izoh so‘rashganda, u shunday deydi: “Ochig‘i, u men ham unga befarq emasligimni bilmasdi”.

Xelen Mirren Vin Dizelni “bir oz sevib qoladi”

“Forsaj” filmning 9-qismini suratga olishdan biroz oldin Xelen mashhur teleko‘rsatuvga taklif qilinadi. U yerda aktrisa bir vaqtlar Vin Dizelga bo‘lgan his-tuyg‘ularini tan oladi.

“Bir marta Vinning qandaydir marosimda nutq so‘zlayotganini ko‘rganman. U shu qadar aqlli, ajoyib va shu qadar kelishgan ko‘ringanki, o‘sha lahzada uni bir oz sevib qolganman”, — deydi aktrisa hazil aralash.

Metyu Perri Jennifer Enistonga bo‘lgan his-tuyg‘ulari tufayli azob chekkan

Metyu Jenniferni afsonaviy sitkom suratga olinishidan ancha oldin sevib qolgan. U aktrisani uchrashuvga taklif qiladi, ammo rad javobini oladi.

Ajablanarlisi shundaki, ular do‘st bo‘lib qolishadi. Lekin faqat serialda. Aktyor hamkasbi bilan gaplashayotganda o‘zini noqulay his qilardi. Axir Jennifer unga zarracha ham qiziqish bildirmagan. Ammo vaqt o‘tishi bilan film Metyuni shunchalik qiziqtirib qo‘ydiki, Jenniferga bo‘lgan muhabbati ikkinchi planga o‘tdi.

Brays Dallas Xovard Robert Pattinsonni yoqtirib qolgan

“Sumerki” filmida suratga tushish Brays hayotida unutilmas voqea bo‘ldi, chunki u Robert Pattinson bilan yonma-yon ishlashga muvaffaq bo‘ladi.

Brays aktyorga bo‘lgan ishqi deyarli telba bo‘lish darajasiga yetganini tan oladi. U Robga shunchalik oshiq bo‘lganki, aktyorning yuzi tushirilgan stikerlar to‘plamidan faol foydalanadi. Bunday stikerlarni uning ahvolidan xabardor bo‘lgan do‘sti tayyorlab beradi.

Mavzuga doir:

• “Malikaning kundaligi”, “Forsaj”, “Joker” — davomi ekranlarga chiqishi kutilayotgan sevimli filmlar
• Yig‘lamasdan ko‘rolmaysiz: Odamlar va jonivorlar do‘stligi haqidagi eng ajoyib filmlar
• Biz ko‘rmagan sahnalar: turli sabablarga ko‘ra mashhur film va seriallarning kesib tashlangan kadrlari (foto)
• Bir-biriga mutlaqo qarama-qarshi rollarni o‘ynab, tomoshabinlarni ishontira olgan aktyor va aktrisalar (foto)