Parijda 1-sentabrdan boshlab elektr samokatlardan foydalanish taqiqlanadi. Qaror elektr samokatlar bilan sodir bo‘lgan avariyalarning ko‘payishiga javoban qabul qilingan.
Qaror elektr samokatlar bilan sodir bo‘lgan avariyalarning ko‘payishiga javoban qabul qilingan. Jumladan, 2022-yilning birinchi yarmida 330 ta baxtsiz hodisa qayd etilgan, bu 2021-yilning mos davriga nisbatan 37 foizga ko‘pdir.
Parij hukumati shahardagi elektr samokatlarning kelajagini belgilash uchun referendum o‘tkazish to‘g‘risida qaror qabul qildi. Ommaviy ovoz berishdan so‘ng, aholi taqiqning joriy etilishini qo‘llab-quvvatladi.
Referendum 2-aprel kuni bo‘lib o‘tdi, unda 103 ming kishi ishtirok etdi. Parij meri Ann Idalgo yangi qonun 1-sentabrdan kuchga kirishini ma’lum qildi.
“Parij hukumati ommaviy elektr samokatlarni butunlay taqiqlashga qaror qildi va buni amalga oshirgan birinchi Yevropa poytaxti bo‘ldi. Yangilikka skuterlarda odamlarning yo‘l harakati qoidalariga rioya qilmasligi va gavjum joylarda yuzaga kelgan noqulayliklar sabab bo‘ldi”, — deydi u.
Sentabr oyida Dott, Lime va Tier mobil operatorlarining shahar ko‘chalarida transport vositalarini joylashtirish shartnomalari tugaydi. Kompaniyalar hozirda 15 000 ga yaqin skuterlarni barcha ijara joylaridan olib tashlashi kerak.
Parij elektr samokatga cheklov kiritgan birinchi shahar emas
Yevropaning boshqa shaharlari ham o‘z aholisi xavfsizligini ta’minlash yo‘llarini o‘ylab topmoqda. Masalan, Lissabonda elektr samokatni soatiga yigirma kilometrdan ortiq haydash mumkin emas, Lyublyanada bu atigi 5 kilometrni tashkil qiladi. Varshavada texnikani parklar va bog‘larga haydash taqiqlangan. Italiyada ba’zilar hatto haydovchilik kurslarini o‘tashi kerak.
Izoh (0)