Парижда 1 сентябрдан бошлаб электр самокатлардан фойдаланиш тақиқланади. Қарор электр самокатлар билан содир бўлган аварияларнинг кўпайишига жавобан қабул қилинган.
Қарор электр самокатлар билан содир бўлган аварияларнинг кўпайишига жавобан қабул қилинган. Жумладан, 2022 йилнинг биринчи ярмида 330 та бахтсиз ҳодиса қайд этилган, бу 2021 йилнинг мос даврига нисбатан 37 фоизга кўпдир.
Париж ҳукумати шаҳардаги электр самокатларнинг келажагини белгилаш учун референдум ўтказиш тўғрисида қарор қабул қилди. Оммавий овоз беришдан сўнг, аҳоли тақиқнинг жорий этилишини қўллаб-қувватлади.
Референдум 2 апрель куни бўлиб ўтди, унда 103 минг киши иштирок этди. Париж мэри Анн Идалго янги қонун 1 сентябрдан кучга киришини маълум қилди.
“Париж ҳукумати оммавий электр самокатларни бутунлай тақиқлашга қарор қилди ва буни амалга оширган биринчи Европа пойтахти бўлди. Янгиликка скутерларда одамларнинг йўл ҳаракати қоидаларига риоя қилмаслиги ва гавжум жойларда юзага келган ноқулайликлар сабаб бўлди”, — дейди у.
Сентябрь ойида Dott, Lime ва Tier мобил операторларининг шаҳар кўчаларида транспорт воситаларини жойлаштириш шартномалари тугайди. Компаниялар ҳозирда 15 000 га яқин скутерларни барча ижара жойларидан олиб ташлаши керак.
Париж электр самокатга чеклов киритган биринчи шаҳар эмас
Европанинг бошқа шаҳарлари ҳам ўз аҳолиси хавфсизлигини таъминлаш йўлларини ўйлаб топмоқда. Масалан, Лиссабонда электр самокатни соатига йигирма километрдан ортиқ ҳайдаш мумкин эмас, Люблянада бу атиги 5 километрни ташкил қилади. Варшавада техникани парклар ва боғларга ҳайдаш тақиқланган. Италияда баъзилар ҳатто ҳайдовчилик курсларини ўташи керак.
Изоҳ (0)