OCHL saralashi. Krishtianu Ronaldu to‘p surayotgan “An-Nassr” so‘nggi daqiqalarda kambekni amalga oshirib, BAA klubini mag‘lub etdi

Futbol bo‘yicha OCHL saralash bosqichida “An-Nassr” jamoasi 22-avgust, seshanba kuni “Shabob Al-Ahli”ga qarshi bahs olib bordi.

Uchrashuvning 11-daqiqasida Anderson Taliska saudiyaliklarni hisobda oldinga olib chiqdi. Oradan 7 daqiqa o‘tib, Yahyo al-Gassani muvozanatni tikladi. 46-daqiqada esa al-Gassani “Shabob Al-Ahli”ni hisobda oldinga olib chiqdi. 

88-daqiqada Sulton al-Ganam hisobni tenglashtirdi. 90+5-daqiqada esa Taliska, oradan bir daqiqa o‘tib, Brozovich gol urib, Ar-Riyod klubining g‘alabasini ta’minladi. 

Shu tariqa tarkibida Sadio Mane va Krishtianu Ronaldu kabi futbolchilari bor “An-Nassr” jamoasi OCHL guruh bosqichiga yo‘llanma oldi.

OCHL saralash bosqichi

22-avgust, seshanba

“An-Nassr” – “Shabob Al-Ahli” 4:2

Gollar: 1:0 — 11 Anderson Taliska, 1:1 — 18 Yahyo al-Gassani, 1:2 — 46 Yahyo al-Gassani, 2:2 — 88 Sulton al-Ganam, 3:2 — 90+5 Anderson Taliska, 4:2 — 90+6 Marselo Brozovich.