ОЧЛ саралаши. Криштиану Роналду тўп сураётган “Ан-Насср” сўнгги дақиқаларда камбекни амалга ошириб, БАА клубини мағлуб этди

Футбол бўйича ОЧЛ саралаш босқичида “Ан-Насср” жамоаси 22 август, сешанба куни “Шабоб Ал-Аҳли”га қарши баҳс олиб борди.

Учрашувнинг 11-дақиқасида Андерсон Талиска саудияликларни ҳисобда олдинга олиб чиқди. Орадан 7 дақиқа ўтиб, Яҳё ал-Гассани мувозанатни тиклади. 46-дақиқада эса ал-Гассани “Шабоб Ал-Аҳли”ни ҳисобда олдинга олиб чиқди. 

88-дақиқада Султон ал-Ганам ҳисобни тенглаштирди. 90+5-дақиқада эса Талиска, орадан бир дақиқа ўтиб, Брозович гол уриб, Ар-Риёд клубининг ғалабасини таъминлади. 

Шу тариқа таркибида Садио Мане ва Криштиану Роналду каби футболчилари бор “Ан-Насср” жамоаси ОЧЛ гуруҳ босқичига йўлланма олди.

ОЧЛ саралаш босқичи

22 август, сешанба

“Ан-Насср” – “Шабоб Ал-Аҳли” 4:2

Голлар: 1:0 — 11 Андерсон Талиска, 1:1 — 18 Яҳё ал-Гассани, 1:2 — 46 Яҳё ал-Гассани, 2:2 — 88 Султон ал-Ганам, 3:2 — 90+5 Андерсон Талиска, 4:2 — 90+6 Марсело Брозович.