AQSHning Missuri shtatida yashovchi 13 yoshli mushuk arqonda sakrash mahoratini namoyish etib, jahon rekordini yangiladi, deb yozmoqda “Pravila jizni” nashri.
KitKat laqabli mushuk bir daqiqada arqondan to‘qqiz marta sakrab, Ginnesning rekordlar kitobiga kirdi. Videoda mushuk o‘z egasi Trisha Seyfrid bilan arqondan sakraganini ko‘rish mumkin. Iste’dodli uy hayvonlari agentligini boshqaruvchi Trisha mushukka arqondan sakrashni o‘rgatgan.
Trishaning so‘zlariga ko‘ra, KitKat chiqish qilishni yaxshi ko‘radi va u insonlarga o‘rgangan turli xil mashqlarini namoyish qila boshlagan.
“Arqondan sakrash — mushukning eng ta’sirli tryuki hisoblanadi, ammo uning yoshi o‘tgani sari minimal darajada arqonda sakrashni davom ettirmoqdamiz. Hozir uning eng sevimli tryuki ‘besh tashla’dir. U tadbirlarda barcha muxlislariga ‘besh tashlash’ni yaxshi ko‘radi”, — deydi Seyfrid.
Mushuk Jimmy Kimmel Live shousida chiqish qilgan, shuningdek, Friskies mushuklar uchun oziq-ovqat reklama kampaniyasining videoroliklarida suratga tushgan.
Izoh (0)