Ghibli Xayao Miyazaki animelaridan ilhomlanib yaratilgan atirni taqdim etdi (foto)

Anime mavzusi haqida gap ketganda Xayao Miyazaki ijodiga nazar tashlamaslikning iloji yo‘q: u animelaridagi ranglar uyg‘unligi, nozik did bilan tanlangan musiqa, sehrli olami bilan butun dunyoga tanilgan buyuk rejissordir. U yaqinda yangi ijod mahsulini muxlislariga taqdim etishini ma’lum qildi, Genzaburo Yosinoning “Qandaysan?” kitobi asosida suratga olingan animatsiya karikaturachining so‘nggi asari bo‘ladi. 

Qariyb qirq yil oldin Miyazaki tomonidan asos solingan Ghibli va parfyumeriya ishlab chiqaruvchi Fernanda atir mahsulotlari seriyasini yo‘lga qo‘ydi. Atirlar uch xil hidga ega. Ishlab chiqaruvchilar atirni “Kiki — yetkazib berish xizmati”, “Yuradigan qal’a” va “Yurak shiviri” kabi studiyaning mashhur loyihalaridan ilhomlanib yaratgan.

Har bir hid foydalanuvchini sevimli animelaridan biri bilan bog‘liq xotiralarga qaytaradi. Birinchi atirdan yuzu, amber va qora choyning ifori keladi, bu esa Sidzuku va Seidzi tarixini eslatadi. Jasmin, nok va nilufar gulining xushbo‘y hidi Kiki jodugarining do‘konini yodga soladi. Uchinchi atirda qarag‘ay mevasi, lili va atirgullar aralashmasining ifori bor, u esa foydalanuvchiga o‘zini Haul bolaligini o‘tkazgan bog‘ning mehmoni kabi his qilish imkonini beradi.

Hozircha atirni faqat Yaponiyadan sotib olishingiz mumkin, biroq har kuni ular boshqa mamlakatlarga yuborilmoqda. Atirning narxi taxminan 15 dollarni tashkil qiladi.