АҚШнинг Миссури штатида яшовчи 13 ёшли мушук арқонда сакраш маҳоратини намойиш этиб, жаҳон рекордини янгилади, деб ёзмоқда “Правила жизни” нашри.
КитКат лақабли мушук бир дақиқада арқондан тўққиз марта сакраб, Гиннеснинг рекордлар китобига кирди. Видеода мушук ўз эгаси Триша Сейфрид билан арқондан сакраганини кўриш мумкин. Истеъдодли уй ҳайвонлари агентлигини бошқарувчи Триша мушукка арқондан сакрашни ўргатган.
Тришанинг сўзларига кўра, КитКат чиқиш қилишни яхши кўради ва у инсонларга ўрганган турли хил машқларини намойиш қила бошлаган.
“Арқондан сакраш — мушукнинг энг таъсирли трюки ҳисобланади, аммо унинг ёши ўтгани сари минимал даражада арқонда сакрашни давом эттирмоқдамиз. Ҳозир унинг энг севимли трюки ‘беш ташла’дир. У тадбирларда барча мухлисларига ‘беш ташлаш’ни яхши кўради”, — дейди Сейфрид.
Мушук Jimmy Kimmel Live шоусида чиқиш қилган, шунингдек, Friskies мушуклар учун озиқ-овқат реклама кампаниясининг видеороликларида суратга тушган.
Изоҳ (0)