AQSHda sobiq prezident Donald Trampga zahar solingan maktub yuborgan ayol 22 yillik qamoq jazosiga hukm qilindi. Bu haqda Associated Press xabar bermoqda.
Qayd etilishicha, asli fransiyalik, 56 yoshli Paskal Feryer 2020-yil sentabr oyida Kanadaning Kvebek shahridagi uyida juda zaharli kastor yog‘i tayyorlaganini tan olgan. Zahar solingan maktubda u Trampdan bo‘lajak saylovlarda ishtirok etishdan bosh tortishni talab qilgan, unga tahdid qilgan va uni “xunuk, zolim masxaraboz” deb atagan.
Maktub Oq uyga yetib borguncha saralash xizmatida ushlangan. Feryer Texas huquq-tartibot idoralariga ham shunday sakkizta xat yuborgan.
Ayol biologik qurol qo‘llaganlik bo‘yicha to‘qqizta ayblovni tan oldi, ularning har biri uchun umrbod qamoq jazosi berilishi mumkin edi.
Trampdan avval ham AQSH prezidentlariga zahar solingan xat yuborilgan. Xususan, 2014-yilning may oyida Barak Obamaga zahar solingan xat yuborgan shaxs 25 yillik qamoqqa hukm qilingan. O‘sha yilning iyul oyida Texas shtatida istiqomat qiluvchi sobiq aktrisa Shennon Richardsonni ritsin zaharini tayyorlab, uni prezident Barak Obama va Nyu-Yorkning sobiq meri Maykl Blumbergga maktub orqali jo‘natgani uchun 18 yillik qamoq jazosiga mahkum etilgan.
Izoh (0)