Янги Зеландия ҳукумати қотилликда ноҳақ айбланган ва 18 йил қамоқда ўтирган Алан Холлга 2,9 миллион доллар товон тўлайди. Бу ҳақда мамлакат адлия вазири вазифасини бажарувчи Дебора Рассел маълум қилди.
Ҳукумат Холлнинг айбсизлигини тан олади ва унинг ноҳақ судланганлиги ва қамоққа олингани учун узр сўрайди. Биз биргина узр ва таклиф қилинган товон пули у кўрган адолатсизликни тўлиқ бартараф этмаслигини тан оламиз, лекин бу унга қандайдир тарзда ёрдам беради деб умид қиламиз, — деди Рассел ҳукумат веб-сайтида эълон қилинган баёнотда.
1986 йилда Алан Холл Артур Истонни ўлдиришда айбланиб, умрбод қамоқ жазосига ҳукм қилинганди. 1994 йилда Холл шартли равишда озод қилинди, аммо унинг иши фақатгина 28 йилдан кейин қайта кўриб чиқилди.
2022 йил июнь ойида Янги Зеландия Олий суди унинг ишини кўриб чиқди ва судланганликни бекор қилиб, Аланни тўлиқ оқлади.
Холл унга етказилган азоб-уқубатлар учун компенсация талаб қилди ва бир йил ўтгач, мамлакат ҳукумати унга 5 миллионга яқин Янги Зеландия доллари (тахминан 2,9 млн АҚШ доллари) тўлаш бўйича қарор чиқарди.
Изоҳ (0)