Pensiya jamg‘armasi tomonidan ishlayotgan pensionerga ish staji qo‘shib yoziladimi, degan savolga javob berildi.
Maʼlum qilinishicha, “Fuqarolarning davlat pensiya taʼminoti to‘g‘risida”gi qonunning 37-moddasida mazkur masaladagi tartib belgilab qo‘yilgan.
“Qonunga ko‘ra, yoshga doir pensiya tayinlangandan keyin ishlangan vaqt pensiya tayinlash uchun stajga qo‘shib hisoblanmaydi”, — deya maʼlum qildi jamg‘arma.
Eslatib o‘tamiz, O‘zbekistonda yoshga doir pensiya erkaklarga 60 yoshdan ish staji kamida 25 yil bo‘lgan taqdirda, ayollarga 55 yoshdan ish staji kamida 20 yil bo‘lganda tayinlanadi.
Hozirda yoshga doir eng kam pensiya miqdori 677 000 so‘mni tashkil etadi.
Mavzuga doir:
Izoh (0)