Fransiyaning 101 ta departamentidan 78 tasida qurg‘oqchilik va yerosti suvlarining kamayishi xavfi tufayli suvdan foydalanishda cheklovlar joriy etildi, deyiladi hukumatning VigiEau interaktiv xaritasidagi maʼlumotlarida.
18-avgust holatiga ko‘ra, mamlakatning aksariyat qismida ma’lum darajada cheklovlar joriy etilgan. Qirqta departamentga qurg‘oqchilik xavfining “qizil” maqomi berildi, bu eng yuqori xavf darajasi hisoblanadi.
Cheklovlar suvdan oqilona foydalanishga o‘tishga qaratilgan. Endilikda sport maydonchalarida maysazorlarni sug‘orish, suzish havzalarini to‘ldirish, avtomobillarni yuvish va boshqa bir qator ichimlik suvi iste’moli bilan bog‘liq holatlar taqiqlandi.
Yaqinda Fransiyaning “Meteo-Frans” milliy meteorologiya xizmati poytaxtning 19 ta departamentida jazirama tufayli tabiiy xavf darajasini oshirdi, yana 21 ta departamentda o‘rtacha — “sariq” xavf darajasi belgilangan.
Izoh (0)