Turkiyaning birinchi boshqariladigan kosmik missiyasi davomida olimlar koinot muhitida genetika sohasida tajribalar olib borib, ularning samaradorligini monitoring qiladi. Bu haqda Anadolu xabar berdi.
Turkiyaning 100 yilligiga to‘g‘ri keladigan missiya davomida kosmonavt Turkiyadagi universitetlar hamda tadqiqot institutlari tomonidan tayyorlangan 13 xil tajribani amalga oshirishi kerak bo‘ladi.
Bunday tajribalardan biri “Mikrogravitatsiya sharoitida o‘simliklarda CRISPR genini tahrirlash samaradorligini o‘rganish” hisoblanadi. Loyihaning maqsadi koinotda genlarni o‘tkazish va genetik manipulyatsiyalar imkoniyatlarini o‘rganishdan iborat.
Loyihaning laboratoriya tadqiqotlari 2023-yilning mart oyida boshlangan. Keyingi bosqichda birinchi turk kosmonavti ishtirokida tajribalar o‘tkazish rejalashtirilgan. Loyiha doirasida allaqachon o‘simliklar ustida tajribalar amalga oshirilgan.
Koinotda yetishtirish uchun namunali organizm sifatida unib chiqish vaqti qisqa bo‘lgan “Arabidopsis thaliana” (Rezuxovidka) o‘simligi tanlangan. Turk olimlarining tegishli tadqiqoti o‘z sohasida innovatsion bo‘lishi kutilmoqda.
Izoh (0)