Farg‘ona viloyatida loyiha qiymati 8,7 million dollar bo‘lgan Yapon tibbiyot va sog‘lomlashtirish shaharchasi quriladi. Bu haqda viloyat hokimligi axborot xizmati xabar berdi.
Unga ko‘ra, Farg‘ona shahrida qurilayotgan ekoshahar hududida 1 gektar maydonda zamonaviy Yapon tibbiyot va sog‘lomlashtirish shaharchasi barpo etish bo‘yicha qiymati 8,72 million dollar bo‘lgan loyihani amalga oshirishga kirishayotgan kompaniya rahbari Koji Nagai bilan muloqotda loyihaning amaliy bosqichlari muhokama qilindi.
Ushbu tibbiyot va sog‘lomlashtirish shaharchasi Yaponiyaning Micado Development kompaniyasi tomonidan ekoshaharda 3 gektar maydonda qurishga kirishilayotgan qiymati 15 million dollarlik Shogun City yapon bog‘i, mehmonxona, restoranlar majmuasi bilan tutash. Viloyat hokimi raisligidagi uchrashuvda kompaniya rahbari Okuda Takefumi bilan “Fergana Shogun” majmuasi qurilishi jarayonlariga tayyorgarlik holati ham ko‘rib chiqildi.
Izoh (0)