Qashqadaryo viloyati Koson tumanida o‘qituvchilarni maktab remontiga jalb qilgan direktor 33 million so‘m jarimaga tortildi. Bu haqda Kambag‘allikni qisqartirish va bandlik vazirligi axborot xizmati xabar berdi.
![](/static/Risolat/9i.jpg)
Unga ko‘ra, holat Davlat mehnat nazorati inspeksiyasi tomonidan o‘rganildi. Koson tumani 20-umumiy o‘rta ta’lim maktabi direktori tomonidan o‘qituvchi va ishchi xodimlar ta’mirlash ishlariga jalb qilingani aniqlangan.
Shu sababli, tashkilot rahbariga nisbatan Ma’muriy javobgarlik to‘g‘risidagi kodeksining 51-moddasi 2-qismiga asosan BHMning 100 (yuz) barobari, ya’ni 33 000 000 so‘m miqdorida ma’muriy jarima qo‘llanildi.