APL. “Arsenal” mavsumni g‘alaba bilan boshladi, “Nyukasl” 6 ta gol urilgan o‘yinda Birmingem klubini tor-mor etdi

Futbol bo‘yicha Angliya Premyer Ligasining 1-turidan o‘rin olgan qator o‘yinlar 12-avgust, shanba kuni bo‘lib o‘tdi.

“Arsenal” “Nottingem Forest”ni qabul qildi. Uchrashuvning 26-daqiqasida Nketia londonliklarni hisobda oldinga olib chiqdi. 32-daqiqada Saka “kanonirlar”ning navbatdagi goli muallifiga aylandi. Birinchi bo‘lim Mikel Arteta shogirdlarining ustunligida yakunlandi. Ikkinchi bo‘limda, aniqrog‘i, 82-daqiqada Avoniyi hisobni qisqartirdi. Biroq shundan keyin darvozalar ishg‘ol etilmadi va “Arsenal” 2023/24-yilgi mavsumni g‘alaba bilan yakunladi. 

“Nyukasl” esa “Aston Villa”ga qarshi bahs olib bordi va 5:1 hisobida zafar quchdi. Mezbonlar safida Tonali, Uilson va Barns bittadan gol urgan bo‘lsa, Isak dublni rasmiylashtirdi. Mehmonlar safida esa Diabi o‘z hisobiga gol yozdirib qo‘ydi.

Shuningdek, “Everton” o‘zida “Fulhem”ga mag‘lub bo‘ldi, “Vest Hem” “Bornmut”ga qarshi durang o‘ynadi, “Brayton” esa “Luton” ustidan yirik hisobda g‘alaba qozondi.

APL

1-tur

12-avgust, shanba

“Arsenal” — “Nottingem Forest” 2:1

Gollar: 1:0 – 26 Nketia, 2:0 – 32 Saka, 2:1 – 82 Avoniyi.

“Arsenal”: Remsdeyl, Uayt, Saliba, Timber (Tomiyasu, 50), Edegor, Rays, Haverts, Parti, Saka, Martinelli (Gabriel, 86), Nketia (Trossard, 73).

“Nottingem Forest”: Terner, Ore, Boli, Makkenna, Uorrell (Vud, 90), Ayna (Uilyams, 72), Mangalya (Kuyate, 90), Yeyts, Gibbs-Uayt, Danilo (Avoniyi, 71), Jonson (Elanga, 80).

Ogohlantirishlar: Ayna (28), Timber (45), Mangalya (81), Uayt (90).

“Nyukasl” — “Aston Villa” 5:1

Gollar: 1:0 – 6 Tonali, 1:1 – 11 Diabi, 2:1 – 16 Isak, 3:1 – 58 Isak, 4:1 – 77 Uilson, 5:1 – 90 Barns.

“Nyukasl”: Poup, Trippyer, Sher, Botman, Bern, Bruno Gimaraes (Longstaff, 85), Tonali (Anderson, 90), Almiron (Merfi, 86), Joelinton, Gordon (Barns, 68), Isak (Uilson, 68).

“Aston Villa”: Martines, Kesh (Filojin-Baydeys, 87), Mingz (Pau Torres, 31), Konsa, Din, Makginn (Diego Karlos, 64), Kamara, Duglas Luis, Beyli (Tilemans, 46), Diabi (Koutinyo, 87), Uotkins.

Ogohlantirishlar: Duglas Luis (6), Din (32), Martines (45), Botman (45), Kesh (48), Gordon (53), Bruno Gimaraes (67), Tonali (90).

“Bornmut” — “Vest Hem” 1:1

Gollar: 0:1 – 51 Bouen, 1:1 – 82 Solanke.

“Brayton” — “Luton” 4:1

Gollar: 1:0 – 36 March, 2:0 – 71 Joao Pedro (penalti), 2:1 – 81 Morris (penalti), 3:1 – 85 Adengra, 4:1 – 90 Fergyuson.

“Everton” — “Fulhem” 0:1

Gol: 0:1 – 73 Dekordova-Rid.