“An-Nassr” Ronalduning dubli evaziga “Al-Hilol”ni mag‘lub etib, arab klublari o‘rtasidagi Chempionlar Kubogi g‘olibiga aylandi

Futbol bo‘yicha arab klublari o‘rtasidagi Chempionlar Kubogi bahsining finalida “An-Nassr” “Al-Hilol” jamoasiga qarshi bahs olib bordi.

Uchrashuvning birinchi bo‘limida darvozalar ishg‘ol etilmadi. Ikkinchi bo‘limda esa “Al-Hilol” hisobni ochdi. 51-daqiqada Maykl o‘z hisobiga gol yozdirib qo‘ydi. 74-daqiqada esa Ronaldu muvozanatni tikladi. Asosiy bo‘limlarda durang natija qayd etilgach, jamoalar qo‘shimcha bo‘limlarga yo‘l oldi.

Qo‘shimcha bo‘limlarda esa portugaliyalik futbolchi yana bir bor raqib darvozasini ishg‘ol qildi va jamoasi g‘alabasini ta’minladi. 

Shu tariqa “An-Nassr” arab klublari o‘rtasidagi Chempionlar Kubogida zafar quchdi.

Chempionlar Kubogi

Final

12-avgust, shanba

“Al-Hilol” – “An-Nassr” 1:2

Gollar: 1:0 – Maykl (51), 1:1 – Ronaldu (74), 1:2 – Ronaldu (98).

“Al-Hilol”: Al-Ovays, Abdelhamid, Kulibali (Jafali, 83), Al-Bulayxi, Al-Shahrani (Al-Burayk, 83), Kanno, Nevesh, Maykl (Al-Hamdan, 91), Al-Dosari, Milinkovich-Savich, Malkom.

“An-Nassr”: Al-Akidi, Al-Ganam, Lajami (Al-Fotil, 80), Al-Amri, Aleks Telles, Al-Haybari (Konan, 80), Marselo Brozovich, Seko Fofana, Taliska (Garib, 91), Sadio Mane, Krishtianu Ronaldu.

Chetlatish: Al-Amri (71).