Polshaning mamlakat sharqidagi Lyublin shahrida Ikkinchi jahon urushidan qolgan portlamay qolgan bombalar topilgach, 14 ming kishi evakuatsiya qilindi. Bu haqda EFE agentligi ma’lum qildi.
Sapyorlarning so‘zlariga ko‘ra, bombaning portlash xavfi juda yuqori, shu munosabat bilan mahalliy vaqt bilan ertalab soat 7:00 da evakuatsiya boshlangan. Aholi o‘z uylarini tark etdi, odamlardan birinchi navbatda gaz, suv, elektr energiyasini o‘chirish, zarur dori-darmonlar, suv va hujjatlarni olib ketish talab qilindi.
Evakuatsiya tugagandan so‘ng, sapyorlar bombalarni yo‘q qilish bilan shug‘ullanadi.
Bombalar topilgan ko‘cha hududida 1930-yillarda kichik aerodrom va samolyot zavodi mavjud edi. 1939-yil sentabr oyida nemislar bu obyektlarni bombardimon qilgan.
Izoh (0)