Janubiy Koreyaning Seul yaqinidagi Sonnam shahrida noma’lum yigit mashinani olomon ustiga haydadi. Mashinasi harakatlanmagach, univermagga kirib, odamlarni pichoqladi. Bu haqda Yonhap xabar berdi.
Hujum oqibatida 13 kishi jabrlangan. Jumladan, kamida to‘qqiz kishi pichoqlangan, yana to‘rt kishi mashina urishi oqibatida jarohat olgan. Politsiya nomaʼlum shaxs odamlarni pichoqlagani haqidagi xabarlardan so‘ng 20 yoshli gumondorni qo‘lga olgan. Jabrlanganlarning ahvoli hozircha noma’lum.
Guvohlarning so‘zlariga ko‘ra, gumonlanuvchi qora kiyim va ko‘zoynakda bo‘lgan. U uzunligi taxminan 50-60 santimetr bo‘lgan pichoq ko‘tarib yurgan. Yigit mashinasi harakatlanmagach, univermagga kirgan.
Ba’zi guvohlar bir nechta jinoyatchi borligini da’vo qilsa-da, politsiya yigitning hech qanday sherigi yo‘qligini aytgan. Yigit nima uchun bunday qilgani haqida sukut saqlamoqda.
Izoh (0)